Tukin zing dar 7:00 khan Swachh Bharat Mission (Urban) hnuaia hmalakna kal zelah faina kawnga mipui rilru sukthlek tihdanglam nan UD&PA Department bultumin faina kawng zawh (Cleanliness Walk) neih a ni.
DUDO Pu Andrew Lalhruaia chuan kawng zawh hawnna hun hmang in, Lunglei a fai zawk nan leh mipui rilru sukthlek thlak tum a buatsaih an nih thu a sawi a. Kawng zawh tu te chuan Lunglei DUDO Office Chanmari-II atanga zawh tan in, Thuamluaia Mual thleng kawng laia bawlhhlawh tla te an chhar fai a. Kawng kama dawr neitu te hnenah faina kawnga hma lak pui turin an sawm nghal a ni.
He kawng zawh ah hian Lunglei DC Pu Abhijit Vijay Chaudhari, IAS kaihhruaina District Level Swachh Bharat Mission (Urban) Committee member-te, Town Sanitation Task Force, Clean Lunglei Organising Committee member te leh HATIM atangin zirlai thenkhat te an tel a ni.
