2263/2024-2025

2024 Mimkut thla ni 27: September ni 12 - 27, 2024 chhunga India ram puma HIV/AIDS leh inpawlna aṭanga natna inkai chhawn theih, sexually transmitted infection (STI) dang dona atana inzirtirna hrang hrang kalpuia beihpui thlak, "Intensified IEC Campaign - India Fight Against HIV/AIDS & STIs" chu vawiin chawhnu khan Government J. Buana College Multipurpose Hall-ah Lunglei District tana a kharna hun hman a ni a. Lunglei District Bawrhsap, District AIDS Prevention and Control Committee (DAPCC) Chairman Pu R. Lalṭhazuala chuan Khuallian niin a hmanpui.


Khuallian Pu R. Lalṭhazuala chuan Lunglei District-ah HIV/AIDS leh STI chungchang inzirtirna beihpui thlak tluang taka kalpui a ni chu lawmawm a tih thu sawiin, a hlawhtlin nana tha thawhtu health & family welfare department-a thawktute leh college, school leh red ribbon club hrang hrang te, sawrkar official leh NGO-te chungah leh media lama thawhpuitute chungah lawm thu a sawi a. Mizoramah mihring 100 zela 2.73 chu HIV positive anga chhut a nih thu sawiin, HIV/AIDS hluar leh darh zau zel tirem turin ṭan lak a ṭul hle a, chumi atan chuan a kai theihna hriat chian a, inven fimkhur a pawimawh a ni, a ti a. HIV positive 60% vel chu kum 15-34 inkar an nih avangin ṭhalaite fimkhur a ṭul zual tih sawiin, HIV/AIDS laka hlauthawng lo leh inring tawk taka awm thei turin a kai theihna hrang hrang laka inthiar fihlim te, nun uluk leh thianghlim leh fimkhur taka nun hman chu kawng ṭha ber a nih thu a sawi a. Zirlaite chu nupaa insiam hmaa mipat hmeichhiatna hmang lo tura invawng thianghlim tlat turin a chah a ni.

He hun hi Pi Lalrochami'n kaihruaiin, Higher and Technical Institute Mizoram (HATIM), Nursing School Lunglei (NSL) leh Government J. Buana College (GJBC) te'n intihsiakna atan HIV/AIDS kai theih nan, inven fimkhur dan leh a veite enkawlna kawnga hriat tur pawimawh hrang hrang lantirna lemchan tawi (musical drama/short skit) an entir a. Intensified IEC Campaign kalpui chhunga intihsiakna leh chet velna hrang hrang lawmmante sem a ni a. Lunglei District AIDS Control Officer Dr K. Lalhmachhuana'n lawm thu sawiin hun a khar a ni.

Lunglei District-a Intensified IEC Campaign kalpui chhung hian zirna in hrang hrangah lem-thu ziak insiamsiak (placard making competition), "Ruihhlo hman sual theihna laka inven dan" tih thupui hmanga inhnial fiamna (debate competition) leh lem inchansiak (musical drama/short skit competition) te buatsaih niin, college leh school hrang hrangah thlalakna hmun chei (photobooth) leh inzirtirna dawhkan (stall) te buatsaih a ni a. A hawn niah inzirtirna kawng zawh (rally) buatsaih a nih bakah, Lungleia sumo leh auto rickshaw-ahte inzirtirna thuziak (sticker) tar a ni bawk.

Lunglei District-a Intensified IEC Campaign kalpui chhunga intihsiakna leh chet velna hrang hranga lawmman dawngtute chu:

A. Placard making competition:
(i) Middle School Level:
1-na: Loncy Rothangpuia (Class-VII), Southern Flower School (SFS) 
2-na: Abigail Ramdingliani (Class-VIII), SFS
3-na: Eric Zothanzuala (Class-V), SFS

(ii) High School Level:
1-na: Lalnunkima (Class-IX), SFS
2-na: PC Lallawmzuala (Class-X), Govt HS Lunglei 
3-na: R. Lalnunhlui (Class-X), Govt Venglai HS

(iii) Higher Secondary School Level:
1-na: Vanlalmithlani (Class-XI), Adventist English School
2-na: Vanlalhriatrenga (Class-XI 'A'), Leitlangpui HSS
3-na: H. Remruatdika (Class-XI 'A'), Leitlangpui HSS

(iv) College Level:
1-na, 2-na & 3-na: 29th Batch Nursing School Lunglei

B. Debate competition:
(i) College Level:
1-na: Lalnelawma (Sem. V), GJBC
2-na: Isaak Lalruatfela (Sem. I), GJBC
(3) Lalruatfeli (Sem. V), GJBC

(ii) HSS Level:
1-na: F. Lalhmangaihzuali (Class-XI Commerce), Leitlangpui HSS
2-na: K. Lalenkawla (Class-XI 'A'), Leitlangpui HSS
3-na: Esther Lalmuanawmi (Class-XI 'A'), Leitlangpui HSS

(iii) HS Level:
1-na: Elim Lallawmpuii Khiangte (Class-X 'B'), Govt HS Lunglei
2-na: Laldinmawia (Class-IX 'A'), GHS Lunglei
3-na: ZS Malsawmsanga (Class-IX 'A'), GHS Lunglei

C. Musical drama/skit competition:
1-na: HATIM
2-na: Nursing School Lunglei
3-na: Govt J. Buana College

Placard making lawmmanah pakhatna ₹ 500/-, pahnihna ₹ 300/-, pathumna ₹ 200/- ṭheuh leh thuziak hlan ṭheuh an ni a. Debate-ah pakhatna ₹ 3,000/-, pahnihna ₹ 2,000/-, pathumna ₹ 1,000/- leh thuziak hlan ṭheuh niin, musical drama/skit-ah pakhatna ₹ 5,000/-, pahnihna ₹ 3,000/-, pathumna ₹ 2,000/- leh thuziak hlan an ni a. Photobooth siamtu school 10 hnenah ₹ 2,000/- leh thuziak hlan ṭheuh niin, stall siamtu red ribbon club awmna zirna in 5 hnenah ₹ 12,000/- leh thuziak hlan ṭheuh an ni bawk.

Attachment

  • Loading attachment...