496/2024-2025

LUNGLEI; the 16th May, 2024: Vawiin chawhnu dar 4:00 khan DC Conference Hall-ah Integrated Health Campaign (IHC) Lunglei district chhunga neih tur chu District bawrhsap Pi Ramdinliani’n a tlangzarh. IHC tlangzarhna inkhawm tawi hi Dr. K. Lalhmachhuana, District AIDS Control Officer chuan a kaihruai a ni.

He Integrated Health Campaign-ah hian Hepatitis B&C, Syphilis, TB, STI, HIV leh General Health-ah Awareness cum Screening/testing kalpui a ni ang. Lunglei district khawthlang lam, Tlabung, Zodin, Tuichang, Nunsury etc. atanga bul tan a ni ang a. Tahrik ni 20-23 May chhung hian khawthlang lamah hmalak a ni ang a,  Lunglei district hnuaia IHC kalpui tulna khua te chu atahtawla tuamchhuah vek tum a ni.

Bawrhsap Pi Ramdinliani chuan IHC a kal tur medical team te chu malaria leh dengue  tamna lam khawthlang lama kal tur an nih bakah khawkheng hnuaia hna zuk thawk tur an nih avangin an mahni pawh zuk fimkhur hle turin a chah hlawm a. Lunglei District hriselna hi kan za vai mawhphurhna a ni a, a bik takin IHC-ah Tlawmngai pawl leh Kohhran te thawhpuina hi sawrkar chuan a mamawh hle dawn a ni, tiin  Bawrhsap chuan mahni theihna zawn theuh va tan I la tlang ang u, tiin kalkhawm te a sawm a ni.