3653/2023-2024

LUNGLEI; the 5th February,2024: Vawiin chawhma dar 11:00 khan Convention Hall, Lunglei-ah “Thapui thawhin kangmei chhuak tur i veng ang u” tih thupuia hmangin, Kangmei Ven Hapta-2024 (Fire Prevention Week) hawnna inkhawm nei a ni a. Pu Donny Lalruatsanga, Addl.DC chuan inkhawm hi kaihruaiin, Pu V.Malsawmtluanga, Vice Chairman, High Powered Committee, Lunglei chuan khuallian niin, programme a hmanpui a, Fire Prevention Week hi a hawng nghal bawk a ni.

Hawnna inkhawmah thuchah sawiin, Pu V. Malsawmtluanga chuan kangmei chhuak te hi mihringin kan tihchhuah deuh vek a ni a,mitin I fimkhur tlang ang u. Tupawh India khua leh tui tawh phawt chuan Khuanu kutchhuak ramngaw te, lui te, dil te leh nungcha te humhalh hi kan ti ngei ngei tura India Danpui( Constitution) in min phut tlat a ni, a ti.Sawi zawmin Pu Malsawmtluanga chuan tunah chuan thlai ten kan ram hi an vei tawh tak zet a, MLA ka ni hnua min lo dawr hmasa bertu te pawh thalai intelkhawm “Project Save Tlawng” te an ni. Mipuiin Sawrkar tharah beiseina sang tak an nei a, ZPM sawrkar chuan thil a nih tur ang taka nih tir leh kalpui hi a tum tlat a. Dan kenkawh kawngah pawh kan khauh dawn a, a tulna piangah action kan la ngam dawn a ni, a ti bawk.

Pu PC Lalchhandama, DFO & Member Secretary, District Level Committee on Fire Prevention ( DLCFP) chuan nikum(2023) a DLCFP te hmalakna leh kumin(2024) tana an hmachhawp hrang hrang te Power point presentation hmangin report a pe a.Report-ah chuan Forest Survey of India atanga thu dawn dan in Nikum chhung khan Lunglei district-ah kangmei hmun 212-a chhuak a, chu chuan ram 44.87Ha a zau a tuam a ni. Heng atanga hmun 183(418Ha) hi bawlhhlawh halh leh Lo hal te an ni a, a bak hmun 29(27.29Ha) hi ramngaw kang tak chu a ni. Fire Prevention chungchangah Awareness campaign hmun tam taka neih a ni a, VC/NGOs/School leh colleges/ Churches/Media etc..kaltlangin mipui hnena ngenna te pawh siam niin, Photo Competition te pawh buatsaih a ni. Village Level Fire Prevention Award 2023 sem niin, 1st Prize—Tawipui ‘S’, 2nd prize---hmuntlang leh 3rd Prize-Buarpui khua te hnena hlan an ni. Consolation Prize pawh village 3: Sairep,Rangte, Lungdai ‘S’ te hnena hlan an ni.Lunglei district chuan nikum khan District Level Fire Prevention Award 2023, 1st Prize (?50,000/- + Citation) a dawng.Kumin 2024-ah hian Kawng hrang hranga Fire Prevention Activities neih dan tur ruahmanna siam a ni a. Village Level Fire Prevention Award, 1st-3rd Prize sem leh tum a ni. Fire prevention chungchanga mipuite zirtirna leh Awareness pe tha ber Chanchinbu( News paper) 3 te hnenah 1st to 3rd prize siamsak tum a ni bawk.Heng lawmman te hi Green Mizoram Day 2024-ah sem a ni ang.

Vawiin Fire Prevention Week hawnna-ah hian Pu Pu C Zairemthanga, Principal Lunglei Gov’t College chuan Power Point presentation hmangin kangmei in pawi a khawih thui thei zia leh chumi laka inven a tul dan te, hemi chungchanga India Danpuiin India khua leh tui te mawhphurhna min pek te leh Dan bawhchhia te laka hremna awm thei chungchangah te zirtirna a nei bawk.

Pu Zothanzuala, General Secretary, YMA Sub Hqrs, Lunglei chuan lawmthu sawina-in vawiin programme hi a khar ta a ni.