1607/2026-2027

Lunglei, 2026 Vawkhniahzawn thla ni 31: Vawiin khan Lunglei District Level Authority for Mizoram Government Land Pooling & Management Scheme chu an Chairman, District Bawrhsap Pi Navneet Mann hovin Lunglei DC Conference Hall-ah an ṭhu khawm a. Lunglei District & Sessions Judge Pi R. Lalduhawmi bakah, District Court hotute leh Lungleia sawrkar office hrang hrang ai awhte an tel.

He ṭhut khawmah hian Lunglei District Court sakna tur ram mamawhna avanga Mizoram Government Press awmna, Lunglawna Printing & Stationery (P&S) hmunhma leh building nena District Court atana luah mek building leh hmunhma inthleng leh siam rem rawtna chungchanga hma lakna kal mek sawi ho a ni a. Ram inthleng chungchanga Printing & Stationery hotute ṭhu khawm thu tlukna chu meeting hmaah pharh niin, District Court hotute ngaih dan ngaihthlak a nih bakah, department-te leh mipui ṭhat tlanna tura inremna a awm theih nan leh tluang taka hma lakna kalpui a nih theih nana rawtnate sawi ho a ni bawk.