2071/2024-2025

2024 Mimkut thla ni 14: National Legal Services Authority-in ram puma National Lok Adalat buatsaih tura a tih angin vawiin khan Lunglei District Legal Services Authority chuan District Court Building Lungleiah National Lok Adalat a buatsaih a. Lunglei District huam chhunga court la thlenpui loh thubuai hrang hrang bakah, mimal thubuai chi hrang hrang 118 ngaihtuah a ni.

Vawiina Lungleia National Lok Adalat-a thubuai ngaihtuah tur hian Bench pahnih buatsaih a ni a. Bench-I hi Lunglei Chief Judicial Magistrate & DLSA Secretary Pi Lalthansiami Hnamte chuan kaihruaiin, Bench-II hi Judicial Magistrate First Class Pu Lalbiakmuana'n a kaihruai thung a. Thubuai hrang hrang theh luh aṭang hian thubuai 60 sawi rempui niin, tihfel a ni a. Vawiina thubuai ngaihtuahah hian leiba inṭhinna a tam ber a, report buatsaih lai hian ₹ 64,93,304/- hu chin fel a ni.

Lok Adalat-ah hian thubuai neitute duh dan angin inremna ziahpui ṭhin a ni a. Sum sen ngai lovin thubuai hi chin felsak ṭhin a ni.