Vawiin chawhma khan District Legal Service Authority, Lunglei chuan Lunglei SP Conference Hall-ah ‘Child in Conflict with Law and Children in need of Care and Protection’ training a buatsaih a. He training hi Pi Julie Lalrinzami, MJS Secretary DSLA leh Lunglei Chief Judicial Magistrate ni bawk chuan kaihruaiin, Pu R. Thanga, District & Session Judge leh Lunglei DLSA Chairman ni bawk chuan he training hi a hawng a ni. 

Pu R. Thanga chuan training chu an hmalam huna rahbi thar hlangkaitu ni tura a duh thu a sawi  a. Naupang venhimna dan in a phut anga, naupang thil tisualtute chu uniform ha lo leh tlangnel taka an kawm thiam theihna turin, training chu tangkaipui ngei turin kalkhawmte a chah a ni. 

He training ah hian Pi Julie Lalrinzami leh Pu J. Lalmuankima, Addl. SP, Lunglei te chu resource person an ni a. Lunglei Police Officer, Lunglei District Special Juvenile Police Officer, Child Welfare Committee member, Juvenile Board Justice member, District Child Protection Officer leh a hnuaia thawkte, tlawmngaipawl leh Home hrang hranga Superintendent, counselor leh worker te hnenah zirtirna an pe a ni.