2659/2023-2024

LUNGLEI; the 4^th November,2023: Vawiin tlai dar 4:00Pm khan DC Conference hall-ah Lunglei district tana ruat observer paruk :

General observers:

 1. Shri Satya Naryan Rathore IAS, (32-Lunglei West AC & 33-Lunglei South AC viltu);

2. Shri Avadesh Kumar Tiwari IAS (34-Thorang AC & 35-West Tupui AC viltu);

 3. Shri Amol Jagannath Yedge IAS (30-Lunglei North AC & 31-Lunglei East AC viltu);

 Police Observer: Shri M.Nanjundaswami IPS (Lunglei District Pumpui viltu)

 Expenditure Observers:

 1. Shri KS Meena IRS(30-Lunglei North AC,31-Lunglei East AC & 32-Lunglei West AC viltu)

 2. Shri Gaurav Awasthi IRS (33-Lunglei South AC,34-Thorang and 35-West Tuipui AC viltu)

te hovin Law  & Order dinhmun leh Election inpuahchahna  thlirhona special  review meeting  neih a ni. He meeting hi Lunglei District Election Officer leh bawrhsap ni bawk Pi Ramdinliani IAS chuan kaihruaiin; Superintendent of Police, Returning Officer te leh Asst.Returning Officer te an tel a ni.Vawiin meeting-ah hian Superintendent of Police Pu Rahool Alwal IPS chuan Lunglei district chhunga boruak muanawm tak hnuaia inthlanna felfai leh thianghlim kan neih theih nana Security Ddeployment Plan and Arrangement chungchang chipchiar takin report a pe. Report a tarlan danin MLA inthlanpui hi boruak muanawm tak neih a nih theih nan leh Inthlanna felfai leh thianghlim tak a awm theih nan Security khauh taka kalpui a ni theih nan:

1.      MRP leh State Armed Police Force (SAPF)  te nena thawkho turin Central Armed Police Force(CAPF) Company 6 an lo thlen tawh thu te,

2.      Assembly Constituency  pakhat zel chu  Flying Squad Team- 2 leh Static Surveillance Team -2 ten an vil mek thu te,

3.      NAKAS( Check Post)  6,  Lunglei  Town  Area-ah -4, Kawrpuichhuah, Tlabung,Lungsen leh Bunghmunah  pakhat theuh din a nih tawh thu te,

4.      Quick  Response Team(QRT)-9 din a ni tawh  thu te,

5.      Assembly Constituency-  6 vil tura Sectors Police Officer 24 ruatfel fel tawh thu te,

6.      Inbiakpawhna (communication) lam  buaipuitu tur ruatfel vek tawh thu te

7.      EVM strong Room leh Counting Hall tur venhim dan te chipchiar taka ngaihthlak a ni.

SP atanga detail report ngaihthlak a ni hnuah hian Observer te chuan RO leh ARO te chu an bial theuh va Security kalpui danah duhkhawp lohna emaw, thurawn  emaw an nei chuan sawi theuh turin an sawm a. Returing officer leh Asst.RO te chuan Security arrangement lungawi thlak an ti thu an sawi hlawm. Observer te pawh Lunglei district in MLA inthlanpui tana an inpuahchahna chu  lungawi thlak an ti thu meetingah hian an sawichhuak ve bawk.