No.3083/2020-2020 

Vawiin khan Lunglei DC Conference Hall-ah Lunglei DC Pu V.Lalsangliana kaihhruaiin Sa (Bawnga, Sangha, Vawksa, Arsa) hralh chhuahna rate chungchang sawiho tur leh rate thar bithliah fel turin meeting neih a ni.

Meeting-ah hian Lunglei SP Pu Stephen Lalrinawma, Addl DC Pu R. Vanrengpuia leh official dangte, Lunglei District Consumer Association hruaitute, Sub Hqrs YMA, MJA leh Lunglei sa zuar/talh association hrang hrangte an tel a ni.

Lunglei DC Pu V.Lalsangliana chuan Lunglei khawpui chhungah sa hralh chhuahna rate inang lo thluah leh mi thenkhatin sa buk tling lova an hralh thin chuan a leitu mipuite tan harsatna tam tak a thlen thu a sawi a. He harsatna sut kian a nih theihna tur leh ran talh leh sa zuar te pawhin hloh nei chuang lova an sumdawnna tluang taka an kalpui theihna tura sa rate bithliah a nih theih nan kal khawmte chu an ngaihtuahna uluk taka seng turin a sawm a. Sa buk tling lo leh rate sang lutuk veng tur hian sawrkarin amah chauhin hma a la thei lo a ni tiin, VC, Consumer Association, YMA, MJA leh sa zuar/talh association-te tawiawmna ngenin, sawrkar finchhuah thin tur leh mipuite zirtirna kawngah theihtawpa hma la turin a sawm a. Ran vulhtute hnenah pawh ngenna siamin, an ran vulhte chu to uchuak lo, a awm tawka a man bithliah a, hralh chhuak thin turin a chah a ni.

Vawiin meeting chuan uluk taka a ngaihtuah hnuin a hnuai ami ang hian sa rate bithliah a ni:

Heng rate bithliah thar anih hnu hian ran talh leh sa zuartute chu a buk tling ngeia zuar turin Lunglei DC Pu V.Lalsangliana chuan a hriattir a. Mipuite hnenah pawh ngenna siamin a buk tling lova sa lei tir an nih chuan thuneitute hnenah hriattir vat turin a chah a ni.