2268/2022-2023

Lunglei the 11th October, 2022- Vawiin khan Lunglei DC Conference Hall-ah Lunglei District huamchhunga Socio-Economic Development Policy (SEDP) hmalakna chungchang meeting neih a ni. Meeting-ah hian Lunglei HPC Vice Chairman Pu Lawmawma Tochhawng, Lunglei South bialtu MLA Dr K Pachhunga leh a kaihhnawih sawrkar official-te an tel a ni.

Meeting-ah hian Line Department 9-te SEDP hmalakna kal mek te leh hmachhawp hrang hrangte sawiho a ni.

Lunglei District chhung (Assembly Constituency 6 ) khua leh veng tinah Village Level SEDP Committee awmin a zavaiin 124 an awm a, Family Oriented SEDP hnuai ah hian Line Department 9 awmin chhungkaw 9000 tan kum 2022-2023 Family Oriented SEDP chu a thawhkhatna Lunglei District tan kalpui a ni.

Vawiin meeting-a Line Department-te report pek danin Lunglei District huamchhunga beneficiary chhungkaw 9000 atangin chhungkaw 8899 hnenah tanpuina pek chhuah tawh a ni a. Tanpuina la dawnglo chhungkaw 101 la awm mekin heng te hi an account chungchanga bank lama thil tihfel ngai te an nih thu report a ni.

Lunglei District huamchhunga SEDP Line Department hnuaia beneficiary awmzat leh pek chhuah tawh dan chu hetiang hi a ni: