No.2967/2021-2022

Aizawl the 12th, November'2021: Vawiin khan Convention Centre Hall, Lungleiah National Health Mission, Lunglei District buatsaihin Social Awareness and Action to Neutralize Pneumonia Successfully Campaign, Programme hawnna neih a ni. Dr. Lalrinthangi, Senior Medical Officer, Lunglei chuan he Programme hi a hawng a ni.

World Pneumonia Day 12th November 2021 puala buatsaih Pneumonia natna umbo tura campaign programme hawnna inkhawm hi Pu Lalhmunsiama, DPM, CMO, Office Lunglei in a kaihruaia, Campaign programme in a tum chu Health Department hnuaia thawktu khua leh veng hrang hrang a miten kan huam chhunga naupang Pneumonia natna kaihhnawih neite kan hriat chhuah zung zung theih nan buatsaih ani a ti.

Dr. Lalrinthangi, SMO, Lunglei chuan kan zavaia kan tan tlan chuan Pneumonia natna hi kan hneh thei ang tiin Health Department a thawktute , Media leh Mitin te Pneumonia natna tibo turin kan tan ho a tul ani a ti. Khawvel ah naupang piang 1000 zelah 5.1 chu Pneumonia vanga thi an ni tiin kum 2020 khan Lunglei District bikah pawh naupang kum 5 hnuailam 1000 zelah 17 Pneumonia vangin an thi a, kum 2021 kallai mek ah naupang kum 5 hnuailam 1000 zelah 13 thi an awm a, National Health Policy goal in a tum chu kum 2025 ah chuan naupang kum 5 hnuailam 1000 zelah 3 ai a tam thi lo se tih a ni. Pneumonia vanga thi kan awm tawhlohna turin Health Worker leh ASHA te nasa taka kan tan a pawimawh ani a ti bawk. Dr.Lalrinthangi chuan a sawi zelna ah naupang thi an tlem theihna tura hmalak hi an tum a ni a, Mizoram bikah chuan naupang kum 5 hnuai lam thi kan tam lutuk loh laiin Pneumonia vanga thi an tam a ni a ti. Tun campaign hman turin a tum ber pawh naupang thi an tlem theihna tur ani tiin Pneumonia natna chu tunlai hripui Covid 19 nen pawh a inlai chin hle tih hriain thawktute pawh in hmalak kan thiam a ngai a a ti. Pneumonia titawp turin vaccine hi lak a pawimawh tih sawiin tunah hian vaccine a thlawn in pek mek a nih thu leh dose thum pek tur ani tiin vaccine hi anihna ang tura pek anih chuan Pneumonia natna pawh hi a kiam a beisei a ni. Social Campaign neih chhung hian thawk tu ten Nu leh Pa te kan zirtir anga treatment pek ngaite pein Pneumonia laka kan fihlim theih nan theihtawp chhuah theuh turin Health Department a thawktute a ngen a, Mei chhem khu leh meizial khu vanga Pneumonia naupang ten an vei thei tih hria a hemi kawngah pawh hian puitling te zirtir nasa turin kalkhawm te a cha a ni. Dr. Lalrinthangi chuan Lunglei District chhunga Health Sub-Centre te tih changtlun zel niin Pukpui Health Sub-Centre pawh Ayush Doctor in thutchilh mek a, Health Sub-Centre thenkhat pawh Wellness Officer, B Sc or M Sc Nursing ten an thutchilh bawk ani a ti.

Social Awareness and Action to Neutralize Pneumonia Sucessfully Campaign hian November ni 12, 2021 atanga February 28, 2022 thleng a awh ang.Vawiin Campaign Programme ah hian Lunglei South chhunga CHO, Health Supervisor, Health Worker leh ASHA te an tel ani. Campaign neih chhunga hmalak dantur an zir bawk ani.