No.4414/2021-2022 

Aizawl, 26^th March 2022 : 

Election Commission of India Flagship Program pawimawh tak ‘Systematic Voters’ Education and Electoral Participation (SVEEP)’ hnuaiah vawiin khan Lunglei District Election Officer bultumin Bethesda Futsal Ground-ah ‘SVEEP One Day Futsal Tournament’ buatsaih a ni. He tournament hi Nehru Yuva Kendra (NYK), Lunglei leh Lunglei District Football Association (LDFA) te nena tangkawpa buatsaih a ni. He tournament-ah hian Lunglei North, Lunglei East, Lunglei West leh Lunglei South Assembly Constituency team te a in tum a ni. 

‘SVEEP One Day Futsal Tournament’ hi Lunglei District Election Officer & DC Pu Kulothungan A chuan a  kick off a. CEO & DC chuan Democracy hrisel tak kan neih theihnan khua leh tui vote nei thei chin te chu electoral roll a kan inziahluh veka, a hun a thlena vote kan thlak theuh a pawimawh a ni tiin SVEEP Futsal Tournament-a tel zawng zawng thalaite chu heng pawimawhna midangte zirtira hrilhhretu nih tum theuh turin a sawm a ni.

Pu K.Lalrohlua Additional DC pawhin thu sawiin ram hruaitu Vc atanga MLA, MP te leh Lungleiah LMC inthlante a awm chho anga heng ah hian ram hruaitu tur thlanna a tel ziah turin mipui te chah in, Voter ID card a diklo awmte eng hunah pawh DC office ah a siam that theih thu leh kumtling thar 1/1/2022 a kum 18 tlingte tan electoral roll ah a in thun theih reng thu a tarlang.

Systematic Voters Education and Electoral Participation (SVEEP) hi mi puitling vote nei thei chin India khua leh tui dik tak ten vote neih hlutna an hriat thar lehzualna tur leh vote thlak pawimawhna leh vote thlak ngei tura dan in min phut thu te inzirtirna a ni. Lunglei District SVEEP hmalakna hnuaiah hian awareness campaign hrang hrang  - video clip, rally, students awareness, social media campaign te buatsaih mek zel a ni.