No.3864/2021-2022
Aizawl the 1st, February 2022: Vawiin chawhma khan Local Administration Department, Lunglei buatsaihin an Office Conference Hall-ah ni li chhung awh tur Training on 15th Finance Commission Grants & Prevention and Control of Fire For Village Councils, Lunglei/Hnahthial District chu tan a ni.

Training hawnna inkhawm hi Pu T.Lalruata, Head C/A LAD Office, Lunglei kaihhruaiin District Local Administration Officer, Lunglei Pi Carolyn L.B Khiangte chuan Training hawnna thu sawiin, 15th Finance Commission sum hi engatan nge kan hmuh tih leh engtia hman tur nge tih VC ten kan hriat chian a pawimawh hle a ni tiin, sum kan hmanna kawngah a hmanna tur dik tak ah hmangin langtlang takin kan hnathawh dan mipuiten an hriat a pawimawh a ti bawk. VC thenkhat ah sum hman dan leh hnathawh dan inhrilh hre tha duhlo awm thin angin report dawn a awm thin a ni tiin hetiang lakah hian VC tinte kan fihlim a pawimawh a, mipuite lakah pawh langtlang takin thil tih kan tum thin tur a ni a ti. Kangmei chhuak tur ven kawngah VC ten mawhphurhna sang tak an nei tih inhre thar leh tura chahin, thuneihna an neih dan leh ram tikang lo tura hmalak dan turte pawh hriat chian a pawimawh a ni a ti a, District Level Fire Prevention Committee in kan hma lawk February ni 7 atanga ni 12 chhhunga Fire Prevention Week a hman turah pawh District Level Committee ruahmanna te tha taka bawhzui turin V.C kalkhawm te hi a sawm a ni. Village Council tin ten an ram chhung huan leh lo ram vat zawng zawng ten March ni 15, 2022 ral hma ngeia hal vek turin a chah bawk a ni.

Vawiina Training-ah hian Lunglei South Assembly huamchhunga VCP leh VC Secretary theuh te koh khawm niin, kangmei chhuak tur venhim kawnga hmalak dan tur leh kangmei a chhuah thulh a hmalak dan tur kawng hrang hrang Pu C.Lalremchhunga, Associate Professor, Lunglei Gov't College in zirtirna a pe a, 15th Finance Commission sum nih phung leh a hmanna tur chungchangah Pi Carolyn L.B Khiangte, DLAO in zirtirna pe bawkin 15th Finance Commission Grants Work Order sem chungchang DLAO, Technical Staff ten sawifiahna neiin, Online hmanga MIS hna thawhho dan tur DLAO Office leh e-DPMU lam ten an sawi bawk.

Naktukah Training hi chhhunzawm leh a ni anga, South Tuipui leh Lunglei East A/C hnuaia VC te training pek tur niin, Ningani ah Lunglei North leh Lungle West A/C hnuaiaVC-te, Zirtawpni ah Thorang leh West Tuipui A/C huam chhung VC-te Training pek an ni ve leh ang.