2020/2025-2026

Lunglei, 2025 Khuangchawi thla ni 23: Vawiin khan Agriculture & Farmers Welfare (A&FW) Department huaihawtin Lungleia Agriculture Conference Hall-ah National Mission on Edible Oil - Oil Seeds/Tree Borne Oilseeds Scheme hnuaia tung leh thlai hriak nei (oilseed) chungchang zir hona, "Sensitisation cum Awareness Campaign on Tung and Oilseeds" buatsaih a ni.

He hunah hian Lunglei District chhunga khaw hrang hrang aṭangin kut hna thawktu 40 an kal khawm a. Lunglei District Agriculture Officer (DAO) Pu VL Hmangaihchhunga'n hun kaihruaiin, hun buatsaih chhan a sawi fiah a. A&FW Joint Director (Crops) Pi R. Lalramhluni'n tung leh thing rah hriak nei chi chungchanga hriat tur pawimawh hrang hrang a zirtir a. Zawhna leh chhanna leh sawi hona hun hman a ni bawk.

A&FW hotute sawi danin, tung hi thlai hriak nei (tree borne oilseed) a ni a. Kum 3-ah puitlingin, fit 30 danah zel chin/phun tur a ni a. A rah hi tun dinhmunah kilogram 1-ah cheng 50 a ni a. A hriak hi kilogram-ah ₹ 500-a lei tur awm rengin, a hralhna a ṭha a. India ram state dangah chinna remchang a awm lo va; Mizoram leilung mil, tlang ram mil tak a ni.