187/2022-2023

Lunglei the 18^th, April’2022: Ministry of Health and Family Welfare, Govt. of India in India Independence  kum 75-na lawmna 'Azadi Ka Amrit Mahotsav' puala April ni 18-29, 2022 inkar chhunga India ram chhung Block tina Health Mela (Hriselna Kutpui) buatsaih tura ruahman angin, vawiin khan Lungsen Block tan YMA Hall Lungsen North Branch ah Health Mela buatsaih a ni. HPC Vice Chairman Pu Lawmawma Tochhawng, MLA chuan he hun hi a hmanpui a ni.

Lunsen Block tana Health Mela buatsaih hawnna inkhawm hi Dr. LC. Liana, Chief Medical Officer, Lunglei chuan kaihruaiin HPC Vice Chairman Pu. Lawmawma Tochhawng chuan  India Independence vawi 75  na puala Lungsen leh a chhehvel mipuite tana Helath Mela hlu tak mai buatsaihtute chungah lawmthu a sawi a, he Health Mela a hlawhtlin theih nana thawktute zawng zawng chungah lawmthu a sawi a, an inpeknate chu mipuiten an hlawkpui hle dawn a ni a ti a. He Mela ah hian Lunglei District chhunga  Doctor thiam ten an khuaah ngei an kal chilh hi hmang tangkai theuh turin mipuite a chah bawk a ni. Pu Lawmawma chuan natna tamtak hi inven theih a ni a, natna te hi hma taka hmuhchhuah chuan enkawl dam a awl zawk thin avangin rang taka mithiam te pan nachang hriat a pawimawh thu a sawi a ni,  damlote tan a thlawnin Health ID a siam sak an nih dawn bakah Health Care hnuaiah  Health Insurance Card (Ayushman Bharat PM JAY Card) siamsak a nih dawn thu a sawi a,  hengte hi tangkai taka hmang  turin a chah  a ni. Hriselna kutpui  hman mek ah  hian kan taksa a hrisel mai piah lamah kan rilru a lo hrisel theih nan i hmang theuh ang u a ti bawk.

Vawiin a Lungsen a Health Mela neih ah hian inentirna hmun stall 12 buatsaih niin Lungsen leh a chhehvel khaw hrang hrang atangin inentir tur an kal khawm a ni, Lunglei atangin  Doctor 9 kalin an zingah hian  Specialist 5 leh  Ayush Doctor 3 Optometist 1 ten damlo an en a, Covid-19 vaccine  pek nghal a ni bawk.

He hriselna kutpui hi Natioanl Health Mission, Health and Family Welfare Department bakah Education Department, DIPR, Women and Child Development Department, Rural Development, Sport & Youth Services, Ayush, Food Safety, Urban Development and Poverty Alleviation leh Art & Culture Department te nena tangkawpin an buatsaih a ni.