No.3604/2021-2022
Aizawl, 9th January, 2022: Tun hnaiah Lungtan khuaah Covid-19 hri kai za chuang lai mai hmuh chhuah a ni a. Lungtan khaw chhunga hri darh zau zel tur khuahkhirh thuai a nih theih nan leh khaw thenawm a hri darh palh thei laka invenna turin Pu C.C. Lalchhuangkima, Deputy Commissioner, Khawzawl District, Chairman, Khawzawl District Disaster Management Authority ni bawk chuan 'The Disaster Management Act, 2005, Section 30 (iii) leh Section 34 (m)' in thuneihna a pek angin nimin January ni 8, 2022 zan dar 11:00 atanga thu leh awm hma Lungtan khaw pumpui chu 'Restricted Area' ah a puang.
Restricted Area a puan Lungtan khuaah hian heng a hnuaia tarlan khuahkhirhna siamte hi khauh taka kalpui tur a ni.
1. Restricted Area (Lungtan) chhunga cheng zawng zawngte chu mahni Inah inkharkhip tur a ni a; thenawmte nen pawh inlenpawh loh tur a ni.
2. Restricted Area (Lungtan) chhungah lirthei tlan reng reng chawlh tir emaw din tir emaw khap tlat a ni.
3. Lungtan VLTF te hriatpuina lo chuan Lungtan khua atanga zin chhuah emaw, khaw dang atanga Lungtan khuaa zin emaw phal a ni lo. Hei hian Covid-19 kaihhnawiha hnathawkte leh Deputy Commissioner, Khawzawl District-in phalna a pekte a huam lo ang.
4. Restricted Area (Lungtan) ah Inkhawm, Sikul hawn, Dawr hawn leh puipunna eng pawh khap a ni.
5. Ram lama hnathawh emaw In lama mahni a hnathawh chu phal a ni. Ram lamah pawh a huhoa hna thawh loh tur a ni.
He thupek bawhchhiate chu IPC Section 188 hmanga hrem theih an ni a. Restricted Area (Lungtan) chhunga awmten harsatna engpawh an neih chuan Lungtan VLTF te hnenah an thlen thin ang a; bialtu Zonal Officer-te pawh an harsatna chingfel turin biak pawh theih reng an ni -
1. Dr. Henry Saplalrinliana, Sr.Scientist & Head, KVK, Khawzawl - 9436190701
2. Pu H. Vanlalhruaia, Asst. Professor, Govt. Khawzawl College - 9862506292
