Vawiin chawhma dar 10 :00 khan District Playground Saiha-ah “Lyuva Khutla” ropui taka hman a ni. He Kut hawnna hla hi Donbosco School Saiha ten an sa a, he Kut ah hian Pu Hiphei, Ex. M.P. (R) chu Khuallian a ni.

 

 

Kut hawnna ah hian thu sawiin khuallian chuan kan Kristianna hian Mara hnam zia leh rang tamtak min paih bosak a, kan hnam nuna chhawm nun zel theih tur tlemte min phalsak te hi kan chhawm nun chhoh zel a pawimawh a ni, tiin Arpa Lam “ Awkhipala” hla lochhuah dante pawh a hrilhfiah nghal bawk a ni, pi pute hla  thiam a pawimawh zia sawiin mipuite chu pi leh pu te huna hlate thiam vek turin a ngen nghal bawk a ni.

He Lyuva Khutla-ah hian Pu S.Makha, Maubawk ‘B’ chuan Hlado chham in hnamlam chi hrang hrang heng M.T.P., Y.M.A., Y.L.A. leh M.CH.P. ten an entir bakah zaithiam hrang hrang te zai ngaihthlak a ni a, he Kut kharna hla Mara Hlasa Py (M.H.P.) ten an sak hnu ah he kut lawmna-a Item hrang hrang a telte hnenah Khuallian Pu Hiphei, Ex-M.P. (R) chuan lawmman semna a nei zui bawk a ni.