Vawiin Dt 22.1.2009 chawhma dar 11:00 khan C.E.M, M.A.D.C Office Chamber-ah Term 9-na M.A.D.C, C.E.M, thar atan Pu S Khipo chu Pu Rodney Lalrinawma, Deputy Commissioner, Saiha District chuan rinawmna thu tiam tirin a la lut. He C.E.M lakluhna inkhawm hi Pu C.F.Fachhai, Executive Secretary, M.A.D.C in a kaihruai a, Rev Ch.Chhama, Sr. Executive Secretary, E.C.M chuan hunserh a hmang bawk.
He CEM lakluhna inkhawmah hian thu sawiin CEM thar Pu S Khipo chuan, He Sorkar thar hi Pathian rinchhanin kan kal dawn a, kum 2007 khan 9th term MADC hi din tan a ni a, kum khat chiah a kal hnuah kan thawhpui thenkhat ten ngaihdan dang an neih tak avangin keini chu kan chawl ta a, sorkar lo piang ta chu thla sarih a kal hnuin a tira sorkar siamtu pangngaite kutah Pathianin rorelna a nghat let leh ta a ni, a ti a. District Council chungchang sawiin chawisan, tihlen leh thuneihna sang zawk nei thei tura hmalak a nih tur thu a sawi a, Mizoram leh Central sorkar chakna hmangin theihtawp kan chhuah dawn a ni, a ti a. Mizoram sorkar in retheite chhanchhuahna beihpui thlak turin hma a la chho mek a, keini pawh Mizoram sorkar tha chakna hmangin retheite lam hawiin ke kan pen dawn a ni, a ti bawk.
A sawi zelnaah he sorkar thar hian Kohhran hrang hrang leh Tlawmngai Pawlte leh Media lama hna thawktute tawiawmna a ngen a, Mizoram sorkar hnuaia department hrang hrang hotute pawh thawhpuiah sawmin ram siam thatna kawngah inbe rawn tawn a, hna thawkho turin a ngen bawk a ni. Sorkar hmasa hna lo thawh tawh sa te pawh a tha laite chhunzawm a ni ang a, siam that ngaite a awm a nih chuan siam that hna thawh a nih tur thu a sawi bawk. MADC Officer te pawh tunhma aia nasa leh zuala hna thawk turin a chah bawk.
He CEM lakluhna inkhawmah hian Chairman a thlan thar Pu FC Zase pawhin Pu S Khipo CEM atana lakluh a ni ta chu lawmpuina thu sawiin ram tana a hmalakna kawngah tha taka tawiawm turin member-te leh mipuite a ngen a ni.
CEM lakluh thar hian a thawhpui tur EM te a puang nghal a, chungte chu: 1) Pu H Sahlo; 2) Pu V Vanhupa; 3) Pu K Hrahmo; 4) Pu K Beisa; 5) Pu K Chhuabei; 6) Pu IP Junior; 7) Pu MH Tiabi; 8) Pi N Naphie te an ni. Heng EM tura ruat tharte hi Mizoram Governor Approve-na lak a nih hnuah an hna chanpual turte chu siam rem a ni ang. He CEM lakluhna inkhawmah hian Saiha District-a Department hrang hrang hotute, MADC-a Officer te leh Chanchinbumi thahnem tak an tel a ni.
A sawi zelnaah he sorkar thar hian Kohhran hrang hrang leh Tlawmngai Pawlte leh Media lama hna thawktute tawiawmna a ngen a, Mizoram sorkar hnuaia department hrang hrang hotute pawh thawhpuiah sawmin ram siam thatna kawngah inbe rawn tawn a, hna thawkho turin a ngen bawk a ni. Sorkar hmasa hna lo thawh tawh sa te pawh a tha laite chhunzawm a ni ang a, siam that ngaite a awm a nih chuan siam that hna thawh a nih tur thu a sawi bawk. MADC Officer te pawh tunhma aia nasa leh zuala hna thawk turin a chah bawk.
He CEM lakluhna inkhawmah hian Chairman a thlan thar Pu FC Zase pawhin Pu S Khipo CEM atana lakluh a ni ta chu lawmpuina thu sawiin ram tana a hmalakna kawngah tha taka tawiawm turin member-te leh mipuite a ngen a ni.
CEM lakluh thar hian a thawhpui tur EM te a puang nghal a, chungte chu: 1) Pu H Sahlo; 2) Pu V Vanhupa; 3) Pu K Hrahmo; 4) Pu K Beisa; 5) Pu K Chhuabei; 6) Pu IP Junior; 7) Pu MH Tiabi; 8) Pi N Naphie te an ni. Heng EM tura ruat tharte hi Mizoram Governor Approve-na lak a nih hnuah an hna chanpual turte chu siam rem a ni ang. He CEM lakluhna inkhawmah hian Saiha District-a Department hrang hrang hotute, MADC-a Officer te leh Chanchinbumi thahnem tak an tel a ni.
