Vawiin chawhma dar 11:30AM khan Pi Harleen Kaur IAS, District Bawrhsap leh District Election Officer ni bawk office chamber-ah kan hma lawka MADC Area huamchhunga Village Council inthlanna neih tur chungchangah District Level Standing Committee member te an thu khawm.

DEO Pi Harleen Kaur chuan kan hma lawka VC election kan neih tur chungchanga Draft VC E/Roll buatsaih dan te, Polling Stations siamrem ngai te meeting-ah report pein, meetinga rel tur Agenda a pharh nghal bawk a ni.

Draft VC E/Roll hi Kumin January thlaa tlangzarh tak MLA E/Roll zulzuia  siam a ni a. MLA  tan hian Polling Station 74 a awm a, VC inthlannaah erawh chuan 95 a awm ang. Mipui tana remchan zawk nan  MLA inthlanna-ah PS 18 chu  VC constituencies zulzuiin  PS pahnih theuh va then tur a ni dawn a. PS thar 3 New Siaha 'W',Supha leh Khaikhy-ah te hawn thar tur te nen a vaiin PS 95 a ni dawn ta a  ni, tih Agenda chu Meeting chuan lungrual takin an pawm.

VC inthlanna hi vote thlak ni-ah vek vote chhiar tur a ni dawn a. Returning Officer theuh ten a tlinga hnenah Certificate an pe nghal zel bawk dawn a ni. Draft leh Final VC E/Roll tlangzarh  hun tur te, vote thlak hun tur leh inthlanna kaihhnawi thil pawimawh reng reng State Election Commission thupek ang zel a kalpui tur a ni.

Attachment

  • Loading attachment...