May 3, 2012 a Mara Autonomous District Council inthlan ni ah hian State Election Commission chuan lirthei hman dan chhungchangah hriattirna a chhuah a.

SEC thuchhuah ang chuan Vote thlak ni ah hian candidate tupawh, anmahni puitu, polling agent ten lirthei eng chi mah vote thlaktu tur te phurh kual nan hire emaw hman emaw phal a ni lo. Candidate pakhat in Returning Officer hnen atanga phalna mumal tak la in lirthei pakhat a hman bik atan leh a dang pakhat election agent leh party worker te hman atan phalsak a ni ang. Lirthei hman dan tur hian political party hruaitute, Ministers te, CEM, EM, MDC leh worker te a huam tel vek ang. Heng lirthei ah te hian mi panga aia tam, a khalhtu telin chuan phal a ni lo ang. Inthlan ni ah hian heng lirthei te hian candidate leh a agent te chauhin an hmang tur a ni ang.