2493/2023-2024

Maharashtra Public Service Commission Chairman, Dr. Dilip Pandharpatte leh Member 3, Secretary leh Under Secretary te chuan October 25 - 27, 2023 chhungin Mizoram an rawh tlawh a. Vawiin ni October 26, dar 10:30 a.m ah Maharashtra PSC Team hian Mizoram Public Service Commission Office tlawhin Joint meeting neih a ni. He Joint meeting hi Pu J.C. Ramthanga, Chairman, MPSC chuan a kaihruai a, Dr. Dilip Pandharpatte chu Co-Chairman a ni. Meeting-ah hian Maharashtra Public Service Commission atanga lo kal bakah Mizoram Public Service Commission Member leh Senior Officer te an tel a ni.

Pu J.C. Ramthanga, Chairman, MPSC chuan Maharashtra State lian atanga Mizoram Public Service Commission an rawn tlawh leh thil hriat belh duha an lo kal chu chhuanawm a tih thu leh, an thahnemngaihna chu fakawm a tih thu a sawi a. State hrang hrang PSC te intlawh tawn leh inzir tawn a pawimawh thu te a a sawi a. Tin, Maharashtra Public Service Commission chu Public Service Commission hlun tak a nih avangin kalphung tarn tak ah changtlung zawk an nih avangin an tih dan te Mizoram in kan lo zir let zawk tur tam tak a awm thu te a sawi a. Maharashtra Team te chu Mizoram ah an cham chhunga hun hlimawm tak an hman a duhsak thu a sawi bawk.

Dr. Dilip Pandharpatte, Chairman, Maharashtra Public Service Commission pawhin thu sawiin Mizoram an tlawh thei chu lawmawm a tih thu sawiin State hrang hrang Public Service Commission te intlawh leh inzir tawn a pawimawh thu a sawi a. Mizoram chu State te mah ni sela Public Service Commission zahawm leh hmingtha tak a nih thu te a sawi a. Maharashtra Team tena Mizoram an tlawhna tura Mizoram Public Service Commission in a ruahmanna chu a tha tiin lawmthu a sawi bawk.

Meeting-ah hian Pu Vanlalmawia, Secretary, MPSC in Mizoram Public Service Commission hmalakna leh kalphung hrang hrang te presentation a pe a, chumi hnuah thil pawimawh leh tangkai hrang hrang te sawihona neih zui a ni. Meeting hi Pu Vanlalngaihsaka, Member, MPSC in lawmthu sawina neiin a khar a ni.