No.1698/2020-2021

Dated Champhai, the 5th June, 2020 (Zirtawpni): Covid-19 hripui leng mek avanga Maharashtra State-a tangkhang Champhai district mi leh sa mi 82 (Mipa 30 leh Hmeichhia 52) te chuan nimin June Ni 4, 2020 (Ningani) zan khan tluang takin Bus 5 leh Sumo 1 hmangin Champhai an lo thleng.

A thleng hmasa ber Bus No 1,2,3 te'n anmahni lo dawnsawnna hmun tura ruat Vanlallawma Indoor Stadium (VANIS) chu tlai dar 6 ah an rawn thleng a. Bus No 4 leh 5 ten zan dar 11 velah VANIS lo thleng ve lehin, a rawn chhuak hnuhnung ber Sumo 1 in zanlaiah VANIS a lo thleng bawk a ni.

District Official-te, Medical Team leh Security Personnel te'n tangkhang lo hawte hi lo hmuakin an lo dawngsawnga. Ei leh inte pea hahdam tir an nih hnuah an chuanna hmasak dan indawt zela Medical Screening leh Rapid Test (RAT) te tihsak niin, Rapid Test reactive mi 11 (Mipa 5 leh Hmeichhia 6) te chu Covid Care Centre, Nursing School Building-ah khunghran an ni a. Medical Screening leh Rapid Test tihrual hian Nasal leh Throat Swab Sample-te lak nghal vek an ni a, Sample lakte hi Covid-19 finfiahna RT-PCR Test ti turin Zoram Medical College (ZMC) ah thawn a ni ang.

Mumbai atangin mi 33 (Mipa 11, Hmeichhia 22) an lo thleng a. Mipa 8 te PES Zotlang Community Quarantine Centre-ah, Hmeichhia 19 te PCI Kanan Kohhran Hall Community Quarantine Centre-ah, Mipa 1 leh Hmeichhia 1 te Champhai Tourist Lodge Institutional Quarantine Centre-ah dahluh an nih bakah Rapid Test reactive Mipa leh Hmeichhia 2 ve ve te Covid Care Centre, Nursing School Building-ah dahluh an ni.

Pune atang hian an vaiin mi 49 (Mipa 19, Hmeichhia 30) te an lo haw thleng a. Mipa 13 te PCI Kahrawt Hall Community Community Quarantine Centre-ah, Hmeichhia 25 te PCI Zotlang North Kohhran Hall Community Quarantine Centre-ah, Mipa 3 leh Hmeichhia 1 DPRC Institutional Quarantine Centre-ah dahluh an nih bakah Rapid Test reactive Mipa 3 leh Hmeichhia 4 te Covid Care Centre, Nursing School Building-ah dahluh an ni.

Tun dinhmunah Champhai district-a Quarantine Centre hrang hrangah mi 599, Mipa 233 leh Hmeichhia 366 an awm mek a. Heng zinga mi 101 (Mipa 47 leh Hmeichhia 54) te chu in lama khunghran Home Quarantine mek an ni.