2040/2024-2025 

Aizawl, the 13th September, 2024: Vawiin chawhma dar 10:00 khan Pu Vanlaldina Fanai, Commissioner & Secretary, General Administration Department (GAD), Govt. of Mizoram kaihhruaiin a Office Chamber, CMO ah kan hma lawk October ni 2, 2024 a India hnampa, Mahatma Gandhi pianchamphaphak lo thleng tur lawm dan tur rel a ni.

Thukhawm chuan India hnampa Mahatma Gandhi pianchamphaphak lawmna chu tuna a lim hun lailawkna, Pachhunga University College Campus chhunga Academic Block V bulah hman leh ni se a ti a. Zing dar 7:15 ah sawm bikte thleng kimin 7:30 ah program tan ni se tih a ni a. National Anthem sak hnuah sawm bikte'n India hnampa Mahatma Gandhi limah zahna leh hriatrengna lantir nan pangpar an dah dawn a ni.

Meeting-ah hian Line Department hrang hrangte mawhphurhna leh chanvote ruat fel niin, programme hlawhtlin nana theihtawp chhuah theuh tura chah an ni a. Programme neihna tur hmunhma leh inpuahchahnate enfiah hun atan September ni 30, 2024 chawhnu dar 3:00 ruat a ni.

He hunah hian GAD, Aizawl DC, SP, Sr. SP Traffic, UD&PA, I&PR, PUC leh Horticulture Department aiawhte an tel a ni.