Mizoram Sorkar chuan enchhin nan Self-Certification chungchangah thuchhuah siamin, mi tupawh an certificate-te Gazetted Officer-te attest tir ngai kher tawh lovin, an document a tak a nih leh nih loh tihchianna chu certificate neitute kutah a innghat tawh dawn a.

He kalphung thar hi kum khat chhung atan – April ni 1, 2014 atanga March ni 31, 2015 – Mizoram Sorkar hnuaia Department hrang hrangah enchhin a ni ang a. Original document erawh ken a ngaih hunah ken zel tur a ni. He kalphung thar hi 2nd Administrative Reforms in “Citizen Centric Administration- The Heart of Governance” tih thupui hmanga a report siam 12-na bawhzuia kalpui a ni a. Self-Certification hian Sorkar kalphung awlsam zawka a siam theih beisei a ni. Diklo taka thilti (concealment, misrepresentation, false declaration) an awm a nih chuan dan anga an chunga hmalak theih a ni.

Document mahni a in attest theih te chu:

1. Educational Certificate

2. Marksheet

3. Birth Certificate

4. Baptismal Certificate

5. ST/SC Certificate

6. Residential Certificate

7. Electors Photo Identity Card (EPIC)

8. Family Ration Card

9. Employment Registration Card