Mizoram State Vector Borne Diseases Control Programme (MSVBDCP) chuan February 1, 2010 a Malaria damdawi - Inj Artem 80mg, Tab. Artesunate 50mg., Tab. Artemether 50mg. leh AA Artemether 50mg. hman chungchangah mipuite fimkhur turin a chah. Malaria damdawi Artemisinin atanga siamchhuah heng - Artesunate leh Artemether te hi Malaria hrik in resistance a neih loh nan WHO (World Health Organisation) chuan a mum a ei chi Artemisinin damdawi chu a malin nikum July 2009 atang khan dawr a zawrh a phal tawh lova, a siamtu company te pawh an license a tih tawp sak vek a ni. Hemi avang hian Malaria PF veite chuan Artemisinin hi damdawi dang nena eikawp ngei turin Artemisinin-based Combined Therapies (ACT) a chawh zawk a ni. Mizoram-ah ACT damdawi hi Malaria hluarna hmun-Lunglei, Kolasib leh Mamit District ah te chuah hman a ni bawk.

Zirna mumal neilo thenkhatin heng Malaria damdawi foreign siamte hmang hian dam lo tam tak an lo enkawl dam tawh tih hriat a ni a, thatna pawh awm mahse, dik lo taka hman a nih chuan Malaria hrikin damdawite hi huat loh hun neiin dam lo te enkawl dam theih loh hun a la awm dawn a. Chuvangin MSVBDCP chuan mithiam Doctor-te enkawlna hnuaiah chauh heng Malaria damdawite hi ei turin mipuite a ngen a ni.