Vawiin chawhma dar 11 ah tanin Pi M. Zohmingthangi, IAS, Lunglei Bawrhsap kaihhruaina hnuaiah a office chamber ah malaria laka inven dan chungchanga hma lak dan tur ngaihtuah in meeting pawimawh tak neih a ni.

Pu Ramthlanpuia, Special Officer (Malaria) in hmalak tawh dan leh hmalakna kawnga hmanraw pawimawh lei an duhdan report a pe a, ngaihtuah a nih hnu in meeting chuan a pawmpui a ni. Malaria chungchang ah mipui in zirtir tam a ngaih avangin Special Officer (Malaria) chu malaria laka na leh thi kan tlem theih nan a tul ang angin hma lo la chak se, tin, kawng hrang hrang in malaria laka inven dan pawh mipui ah inzirtir uar nise, tih a ni. Mitin in khawsik, luna, luakchhuak, kaih, taksa na kan neih chuan Sub-Centre hnai berah inentir vatin khawpuiah chuan Private ah pawh ngaihthah lovin in check-up zung zung nise,tih a rel.

Bawrhsap in thusawiin, tun tum kan meeting atang chuan tunhma zawng aiin Special Officer (Malaria) leh thawktute hma lakna in hma a sawnin Malaria natna lakah kan him tlan a, a vei leh thi pawh kan tlem phah ngei a beisei thu a sawi.