No.3098/2021-2022
Aizawl, the 23rd November 2021: Mizoramah Malaria vei zat kum 2020 aiin kum 2021 ah a tlahniam. Malaria vei zat hi kum hmasa 2020 leh kumin 2021 Jan-October chhungin za a 46.9% laiin a tlahniam a ni.

State Vector Borne Disease Control Programme (SVBDCP) hmalakna kal zelah, Malaria test runpui chu Mizorama Malaria tamzualna District pathum (Lunglei, Lawngtlai leh Mamit) ah te kalpui chhunzawm zel a ni a. He test runpui neih chhunga mi endik tawh zawng zawng zat chu mi 54085 niin, heng atanga Malaria vei hmuchhuah tawh chu mi 906 an ni. PF 798, PV 107 leh 1 Mixed Infection (PF leh PV vei kawp) Malaria vei hmuhchhuah zawng zawng te hi a thlawn vekin Malaria damdawi te pek nghal zel an ni bawk. He hmalakna Mass Screening & Treatment (MSAT) November ni 8 atanga ni 20 chhunga positivity rate chu 1.90 a ni.

State Vector Borne Disease Control Programme leh Centre for Peace & Development (CPD)hnuaia thawktute tangkawp in National Health Mission (NHM) bul tumin he hmalakna hi November thla chhung an kalpui ang. He hmalakna hi Malaria case a tlakhniam mek laia case pung zel tur tih chimit tuma beihpui thlakna a ni bawk. Khawsik nachhan hi COVID - 19 mai nilovin, Dengue leh Malaria vang a ni thei a, chuvangin SVBDCP chuan mitinte COVID - 19 lo negative mahse Malaria leh Dengue pawh lo in test zel thin turin a ngen a ni.