3572/2024-2025

Dated: Mamit 17th of December 2024 : Vawiin khan DC Conference Hall, Mamit-ah India Republic Day 2025 Mamita hman dan tur relin Pu K.Laltlawmlova, District Bawrhsap hovin thutkhawm a ni.

Vawiin thutkhawmah hian India Republic Day 2025 chu GSA playground ah zing dar 7:30 ah hman nise tih a ni a, hnam puanzar pawtpharh tur hian Pu K.Laltlawmlova, District Bawrhsap chu ruat a ni. Republic Day hmanna turah hian Parade contingents 14 beisei an ni bawk.

India Republic Day hmanna turah hian Sawrkar Department hrang hrangte chu vawiin meeting-ah mawhphurhna inpek a ni a, kan chanvo leh mawhphurhna theuhte tha taka hlenchhuak turin District Bawrhsap chuan Department hrang hrangte a ngen a ni.

Vawiin meeting-ah hian Pu Pukhraj Kamal, SP Mamit, Mamit khawpui chhunga Sawrkar Department hrang hrangte leh tlawmngaipawl aiawhte an tel a ni.