Directorate of Health Services chuan Mamit-a Swine Flu vanga thi chungchangah hetiang hian thuchhuah a siam:
Pu Malsawma, Kum 28 Mamit chu ni 28.9.2009 khan Aizawl-ah bike-in lehlangin a kal a, kal lam leh haw lam hian ruah a dova. Dt. 1.10.2009 ah a khua a sik tan ta a, kar khat hnu ni 6.10.2009 ah awmna, khawsik leh thawk harsa avangin damdawi inah a inentir a. Hritlang satliah anga a lan avangin damdawi chawhin in lamah haw tir a ni a. Mahse ni 8.10.2009 ah a natna a zual deuh avangin damdawi inah a in entir leh a, admit nghal a ni nghe nghe a. Doctor te’n a natna hi Swine Flu ni a an rinhlelh avangin sample laksakin Tamiflu damdawi pek a ni bawk a. Vanduaithlak takin a natna chu zual zelin ni 11.10.2009 (Sunday) ah a boral ta mai a. He Sample thawn result hi ni 14.10.2009 tlai dar 3:00 ah hmuh chauh a niin H1N1 positive a ni. Hetih lai tak hian Swine Flu screening by road a lo kal te chhunzawm dan tur ngaihtuahin Directorate of Health Services leh Directorate of Hospital & Medical Education officer thutkhawm lai mek a ni a. Hetiang a H1N1 Positive thihpui hial kan lo awm tak si ah chuan screening kan lo neih tawhna zawng zawng pawh chhunzawm leh zel tura tih nghal a ni.
Chu bakah State Rapid Response Team a mi Dr. Pachuau Lalmalsawma leh Dr. Lalrinsanga Khiangte te phei chu he thu hriat veleh hian a zan a zanin Mamit an pan nghal a, Chief Medical Officer leh D.C te nen hma la zuiin Mamit mipui ralkhel leh chiai lutuk tur inhrilfiahna ni pah fawmin ni 15.10.2009 dar 11:00 AM ah public meeting neih a ni a. Public meeting-ah hian mipui an kal tha lutuk lova hriat a ni.
Hetih lai vek hian I.R Batallion-a mi pakhat Mamit-a awm thar pawh hritlang khawsikin zanah Mamit Hospital-ah a inentir a, a nasat lutuk loh avangin damdawite chawhin a tukah OPD-a inentir tura hrilh a ni, mahse a tuk tlaiah a khawsik leh thawhah a zual deuh avangin damdawi inah a in entir leh ta a, a hnu rei lote ah a boral leh ta mai a. Sample pawh lak hman a ni lova, mahse lung lam that lohna vanga thi niin a lang.
Chanchin hi Mamit a doctor kalte an rawn haw hunah report chiang zawk leh kimchang zawk a hriat theih a ni ang.
Chu bakah State Rapid Response Team a mi Dr. Pachuau Lalmalsawma leh Dr. Lalrinsanga Khiangte te phei chu he thu hriat veleh hian a zan a zanin Mamit an pan nghal a, Chief Medical Officer leh D.C te nen hma la zuiin Mamit mipui ralkhel leh chiai lutuk tur inhrilfiahna ni pah fawmin ni 15.10.2009 dar 11:00 AM ah public meeting neih a ni a. Public meeting-ah hian mipui an kal tha lutuk lova hriat a ni.
Hetih lai vek hian I.R Batallion-a mi pakhat Mamit-a awm thar pawh hritlang khawsikin zanah Mamit Hospital-ah a inentir a, a nasat lutuk loh avangin damdawite chawhin a tukah OPD-a inentir tura hrilh a ni, mahse a tuk tlaiah a khawsik leh thawhah a zual deuh avangin damdawi inah a in entir leh ta a, a hnu rei lote ah a boral leh ta mai a. Sample pawh lak hman a ni lova, mahse lung lam that lohna vanga thi niin a lang.
Chanchin hi Mamit a doctor kalte an rawn haw hunah report chiang zawk leh kimchang zawk a hriat theih a ni ang.
