813/2022-2023
Mamit 8th June, 2022 : Nimin khan Govt. Mamit College, Mamit-ah Disaster Management and Rehabilitation Department leh Mamit District Disaster Management Authority tangkawpin an buatsaih chhiatrupna lo thlen thulha inbuatsaih dan inzirtirna 2nd Batch Training for Up-Scaling of Aapda Mitra Scheme chu Pu Lalnunhlua, Mamit District Bawrhsap, Mamit District Disaster Management Authority Chairman ni bawk chuan khuallian niin a hawng.

Khuallian chuan Mamit thalaite tana Training tha tak buatsaih a ni chu lawmawm a tih thu sawiin midangte tana malsawmna ni theuh turin training te a chah a. District aiawh an nihna hria a, tha taka training tur leh midangte tanpuitu tha tak nih tum turin a chah a ni.

Up-Scaling of Aapda Mitra Scheme hi National Disaster Management Authority-in Mizoram-ah District panga (5) thlang chhuakin Mamit District pawh thlan chhuah zingah a tel ve a. Govt. Mamit College NCC te'n Training neiin Training hi karhnih chhung awh tura ruahman a ni.