World Aids Day denchhenin vawiin Dt. 1.12.2011 hian Government Higher Secondary School Mamit ah Aids Awareness Campaign, NSS, Samaritan Society of Mizoram, Mamit leh ICTC tangkawpin buaisaih a ni.
He Campaign, V.S Mathew, Principal GHSS, Mamit kaihhruaiah hian Pu Lalhruaizela Hmar PM, SSM chuan World Aids Day hman anih dan leh a thupui (theme) : - Zero new HIV Infection ; Zero discrimination leh ; Zero Aids related deaths awmzia sawifiahin thalaite sex lama la chakte tan Aids kai a awl sam bik thu te a sawi a. Hetih lai hian drugs addict te zingah leh nu naupai atanga kai zingah HIV+ an nih avanga enhranna awm thin te tih bo a tulzia te, natna chikhat tuar ve mai an nih angin tanpui an tul thu te bakah ART lak tir vek a tul thute tarlan a ni a. Mamit bikah kum 2003 a ICTC awm atangin za zela 70 in TB vei tura ngaih an nih thute tarlan a ni bawk. Khawvelah 33.3 millions HIV+ an awm in 15.9 millions chu hmeichhia niin naupang 2.5 millions an awm thu tarlan a ni bawk.
He awareness campaign GHSS Mamit a neihah hian thisen pek chungchang Lalchuangpuii ICTC Councellor-in sawiin mi hrisel te tan thisen hi vawi 100 thleng pek theih anih thu tarlangin, GHSS zirtirtu te leh NSS naupangten District Hospital, Mamit ah thisen unit 21 an pe a ni.
