1897/2026-2027

Dated: Mamit the 21st of August,2026: Vawiin khan DC Conference Hall, Mamit-ah Agricultural Technology Management Agency (ATMA), Mamit District Governing Board chu Pu Suvigya S Chandra, District Bawrhsap leh Chairman ATMA Governing Board ni bawk hoin an thukhawm. He hunah hian 2025 -2026 chhunga ATMA hmalakna thlirlet leh 2026-2027 hmachhawp te sawiho a ni.

Pu Suvigya S Chandra chuan ATMA kaltlanga kut hnathawktu te tana training leh exposure hrang hrang buatsaih a ni thin chu lawmawm a tih thu sawiin kut hnathawktu te pakhat tha taka training kan pek hian khaw chhungah rah tha tak a nei thei a ni a ti a. District Bawrhsap chuan line department te nena thawhhona tha neih a tula, theihtawpa kut hnawthawktu te chawikan hi kan mawhphurna pawimawh a nih angin thahnem ngaitaka hmala turin line department te chu a chah a ni.

Dr.M.Chinlampianga, Project Director ATMA chuan 2025-2026 chhunga ATMA, Mamit district in block pathuma hmalakna a neih te thlirletna  hun a kaihruaia, kut hnawthawktu te training leh exposure atan hian Rs 31.32 lakhs dawn niin hemi hnuaia hmalakna hrang hrang a tarlang.  National Mission on Natural Farming (NMNF) hnuaiah hian beneficiaries 1250 awmin Rs 71.81 lakhs fund dawn a ni. Dr David Malsawmkima chuan 2026-2027 chhunga ATMA hmachhawp te sawiin line department te nen thawhho theihna hrang hrang rel nghal a ni.

Vawiin thutkhawmah hian line department te leh MHIP hruaitute an tel a ni.