2445/2026-2027

Dated : Mamit the 30th of September, 2026: Vawiin khan DC Conference Hall-ah City Level Executive Committee chu Pu Suvigya S Chandra, IAS District Bawrhsap hovin an ṭhukhawm.

Vawiin ṭhutkhawmah hian Patient Attendent Shelter, Rs 39,19,500/- New Mamit  huamchhunga sak mek leh Women Shelter, Rs. 36,00, 000/- senga Bethany Social Welfare, Mamit Bazar venga sak mekte tana 3rd Installment dil pawmpuina tura chhawpchhuah chu meeting chuan a pawmpui a, hei bakah hian support to Urban Street Vendors (SUSV) -22 Mamit Bazar veng leh Field venga hman theih tur Rs. 13,92,000/- senga siamte chu a lem nen hmalakna kal mekte tarlan a ni.

Support to Urban Street Vendors (SUSV) Temporary Vending shed hi ni 7th October, 2026 chawhma dar 10:00-ah District Urban Development Office kawtah Pu Suvigya S Chandra, District Bawrhsap-in mamawhtute hman theih turin a vailiam dawn a, vending shed hi a hmang tute'n Rs 500/- a khul tur niin thlatin Rs. 200/- a hman man chawi tur a ni.