Vawiin khan D.C Conference Hall, Mamit-ah Pi Lalbiaksangi, District Bawrhsap hoin Cleanliness Week 2017 hman dan tur leh Swachhta Hi Sewa hman dan tur rel a ni. 

 Meeting-ah hian cleanliness week (2-9) Oct chhunga hman dan tur ngaihtuah niin  ni 2 October ah Mamit Charkawnah hawnna hun  hman ni se tih a ni a, kharna hun hi ni 9 october  ah Chhimveng YMA Hall ah hman ni se tih a ni bawk. Cleanliness week hawnna inkhawmah hian faina lam hawia thuin ziah siak slogan, essay  lawmman   leh  short film  lawmman te  sem a ni ang. 

 Kharna inkhawmah hian Mamit khawpui chhunga vengfai ber lawmman hlan an ni bawk ang. Vengfai lawmman a tan hian hetiang hian lawmman siam a ni ang. Pakhatna Rs 10, 000/-,  2- na Rs 7,000/- , 3-na Rs 5000/- , leh consolation price ah Rs 2,000/- a ni ang. 

 Cleanliness week pual hian Mamit khawpui chhunga ei leh in siam tuten an tih thianghlim leh thianghlim loh endik nise tih a ni,  endik tur hian Food Safety Inspection Committee din niin  Chairman CMO, Mamit ruat a ni a.  Members te chu  SP representatives,   DUDO, I&PR, MJA,  Jt YMA te an ni,  an ni hian Week chhunga an endik report hi District Level  Sanitation Committee ah an thlen leh ang. 

 Vawiin meeting-ah hian Swachhta Hi Sewa( Fai hi ka mawhphurhna)  hmalakna hlawhtlinna turin khawpui chhung faina  kawnga hmalakna tur hrang hrangah chanvo leh tihtur insiam a ni a, vengchhunga tuiluankawr tihfai hna thawk turin vengtin YMA kutah dah a ni a, Zirna in tinah faina kawnga hmala turin lehkha pek ni se tih niin faina lam hawi thuziak vengtin hmun lun lai leh remchangah te tar ni se tih a ni bawk. Mahni vengchhung theuhah  faina kawngah hmala turin V.C tinte mawhphurhna pek an ni. Heng bakah hian kawngpui dunga in sakna bungrua dahte, workshop neite kawngpui dala motor dah lo turin V.C tinten an huam chhung theuhah ngenna lo siam se tih a ni. 

lpsSwachhta Hi Sewa hmalakna  hnuaiah hian September ni 25 hian District Hospital, Helipad, vantlang infiamna hmun, vantlang inthiarna hmunte lo tifai turin V.C te mawhphurhna pek an ni bawk. 

 Vawiin Meeting-ah hian SP, Mamit, DRDA Officials , DUDO, SDO, PHED, DLAO leh khawtlang hruaitute, tlawmngai pawl leh thuthar thehdarhtute an tel a ni.

Attachment

  • Loading attachment...