No.2358/2021-2022
Aizawl 27th September, 2021 : Vawiin khan Dc Conference Hall, Mamit-ah Dr. Lalrozama, IAS, Chairman District Level Cleanliness Week Celebration Committee / District Bawrhsap hovin kumin 2021- a Cleanliness Week hman dan tur chungchang rel a thutkhawm a ni.
Vawiin thutkhawmah hian Cleanliness Week 2021 chu mipui te'n hlawk zawka kan hman theih dan tur sawikhawm niin he ni puala programme tur hetiang hian duan nghal a ni. Ni. 2 Oct, 2021 zing dar 7:45-ah Charkawn-ah hman nise tih a ni a. Khuallian atan District Bawrhsap ruat niin Chairman atan Jt. VC, Chairman chu ruat nghal a ni bawk.
Cleanliness Week hlawhtling taka hman a nih theihna tura mawhphurhna leh chanvo Department hrang hrangte in pek nghal niin Week pual hian Mamit khawpui chhunga vengfai ber thlan nise tih a ni a, vengfai ber endik hun atan hian Ni. 6th October, 2021 a ni ang.
Cleanliness Week hlawhtling taka hman anih theih nan Mamit khawpui chhunga faina kalpui dan tur ruahmanna siam niin VC leh LC kaltlanga faina chungchang inzirtirna, chhungkaw tinte In leh a chhehvel tihfai, Voluntary mass cleaning, Office tinte office leh a chhehvel tihfai nise tih a ni. Week khar Ni hi 8th Oct, 2021-ah neih a ni ang. Week chhunga vengtina cleanliness puala hmalakna hrang hrangte a lem leh thuziak nen social media kaltlanga tarlan nise tih a ni bawk.
Kumin Cleanliness Week thupui atan hian " Faina- Kan In leh a chhehvel atangin" tih a ni.
Vawiin meeting-ah hian District Level Cleanliness Week Committee members te an tel a ni
