1517/2025-2026

Dated: Mamit 19th of September, 2025: Vawiin khan DC Conference Hall, Mamit-ah Pi Carolyn L.B Khiangte,Addl. District Bawrhsap hovin District Consultative Committee (DCC), District Level Review Committee (DLRC) an thukhawm a,kum 2025 June Quarter ending chhunga Mamit District-a bank hrang hrangte hmalakna thlirletna leh hmasawnna tur awmte sawiho a ni.

Bank hrang hrang atanga an hmalakna leh thlen chin agenda point 14 atanga thlirhona neih a ni a. June 2025 quarter ending thleng PMJDY hnuaiah Mipa 16647 leh Hmeichhia 20954 an vaiin 37601 an awm a, PMJJBY Enrollment ti thar 2640 leh Renewal 16627 an awm a, PMSBY ah enrolment ti thar 5633 leh renewal 33309 awmin, APY hnuaia enrolment ti thar 155 an awm bawk. Financial Literacy Camps Bank hrang hrang 10 atangin vawi 25 neih a ni.

Mamit District chhunga Bank hrang hrangte June Quarter-a Credit Deposit Ratio hi 76.56% a ni a, nikum June 2024 khan 73.30% a ni.

Thutkhawmnaah hian District Credit Plan (DCP) thlirho ni bawkin Agriculture hnuaiah 8.42.%, MSE 6.27%, Other PS 6.82% niin a vaiin 7.86% a ni a, a pumpuia target 21907.88 ah 1722.37 achieved a ni a, hei bakah hian Crop Loan 4.71 % a ni bawk. Heng bakah hian MUDRA Loan, KCC Loan, Bank hrang hrang te'n an pek chhuah dan zirchianna neih a ni.

Meeting-ah hian Bank hrang hrang te'n an target an phak lohna chhan sawiho a ni a, harsatna awmte chinfel dan kawngte sawiho niin, bank venhimna pek kawngah Bank harsatna nei an awm loh thu tarlan a ni bawk.

Pu Thuamzamung Tunglut, Lead Bank Manager, Kolasib & Mamit bakah Line Department te leh Mamit District chhung bank aiawhte an tel a ni.