3247/2024-2025

Dated: Mamit 28th of November, 2024: Nimin khan DC Conference Hall Mamit-ah Pu K.Laltlawmlova, District Bawrhsap hovin Special District Consultative Committee (DCC), District Level Review Committee (DLRC), District Level Security Committee (DLSC) thutkhawm a ni a. Kum 2024 September Quarter ending chhunga Mamit District-a Bank hrang hrangte hmalakna thlirletna neih a ni.

Nimin meeting kaihruaitu District Bawrhsap chuan mipui te'n hamthatna leh chanvo an neih te a hre tur tak mipuiin an hriat theih nan Bank lamte leh Department te'n thawhhona tha tak nena hma kan lak a tul thu sawiin theihtawp chhuah turin a chah.

Bank hrang hrang atanga an hmalakna leh thlen chin agenda point 10 atanga thlirhona neih a ni a. September 2024 quarter ending thleng PMJDY hnuaiah Mipa 16054 leh Hmeichhia 20287 an vaiin 36341 ti thar an awm a, PMJJBY Enrollment ti thar 5344 leh Renewal 14837 an awm a, PMSBY ah enrolment ti thar 9609 leh renewal 29042 awmin, APY hnuaia enrolment ti thar 128 an awm bawk. Financial Literacy Camps Bank hrang hrang 14 atangin vawi 75 neih a ni.

Mamit District chhunga Bank hrang hrangte September Quarter-a an Credit Deposit Ratio hi 76.93% a ni a, June Quarter liamta ah khan 73.30% a ni.

Meeting-ah hian District Credit Plan (DCP) thlirho ni bawkin Agriculture hnuaiah 49.48%, MSE 41.87%, Services, 8.65% a vaiin 29.25% a ni a, hei bakah hian Crop Loan 33.51% a ni bawk. Heng bakah hian MUDRA Loan, KCC Loan, Bank hrang hrang te'n an pek chhuah dan zirchianna neih a ni a. Kum 2024 - 2025 chhungin PMEGP, NRLM leh NULM hnuaia hmalakna thlirho-ah 419.71 lakh Sanction Amount a nih thu tarlan a ni bawk.

Nimin Meeting-ah hian Pu K. Laltlawmlova, District Bawrhsap chuan Annual Credit Plan ( ACP) 135 crore tlangzarhna a neih nghal a. Mamit District chhungah hian mipui 2000 awm tlinlohna khaw 80 Financial Inclusion Plan (FIP) kalpuina a awm a ni.

Meeting-ah hian Pu PC Lalnunpuia, Convener & Lead District Manager, JD Traite, DDM, NABARD bakah Line Department te leh Mamit District chhung Bank hrang hrang aiawhte a tel a ni.