No.7667/2020-2021

Vawiin khan DC Conference Hall, Mamit-ah Pu R. Vanlalsawta, Addl.DC, Mamit hovin District Child Protection Committee thutkhawm a ni.

Meeting-ah hian Kum 2020-2021 chhunga District Child Protection Unit hnathawh leh hmalakna hrang hrang report ngaihthlak a ni a. District Child Protection Unit hnuaiah hian Child Care Institutions pali, Buannel, Joshua's Children Home, Emau Specialized Adoption Agency bakah Mamit Observation Home te a awm mek a. Naupang 4-te hnenah Foster Care pek niin naupang 39 te chu thlatin Rs 2000/- Sponsorship pek thin an nih thu tarlan a ni. Heibakah hian Awareness, Sensitization & Capacity Programme, Counselling, Child Welfare Committee, Juvenile Justice Board, Special Juvenile Police Unit, Child Protection Nodal Teacher, Village Level Child Protection Committee, District Level Inspection Committee, Kawngkam Library, Hoarding Display, Online/Media Programme te tha taka kalpui leh buatsaih anih thu meeting-ah hian tarlan a ni bawk.

Vawiin Meeting-ah hian Child Care Institutions, Buannel, Joshua's Children Home leh Emau Specialised Adoption Agency-te atangin COVID-19 kaihhnawiha an hmalak dan report ngaihthlak a ni a. COVID-19 laka inven nana an hmalak dan te, Lockdown chhunga an Activities hrang hrang, naupangte dinhmun bakah Lockdown chhunga thilpek an dawnte ngaihthlak a ni bawk.

Meeting-ah hian Kum 2020-2021 chhunga Child Welfare Committee (CWC) leh Juvenile Justice Board (JJB) hnuaia Case lutte thlirho a ni a. CWC hnuaiah hian Case lut zawng zawng 24 awmin JJB hnuaiah Case 21 a awm bawk a ni.

Meeting hian Mamit khawpui chhunga Child Care Institutions hrang hrangte hi March Ni 17-a tlawh turin ruahmanna a siam bawk.

Vawiin thutkhawmah hian District Child Protection Committee Members te an tel tha hle a ni.