2084/2025-2026

Dated : Mamit the 28th of October, 2025 : Vawiin khan Samagra Shiksha, Mamit District leh Science Teachers Association of Mizoram te buatsaihin Mamit District Level Children's Science Congress 2025 chu I&PR Auditorium, Mamit-ah neih a ni a, Pu K.Lalnunfela, DEO&DPC Samagra chuan Child Scientist leh guide teacher kalkhawm te fuihna thu a sawi bakah Science Congress hawnna hun a nei nghal a ni. Vawiin hun hi Pu Lalbiakzama, District Academi Coordinator CSC chuan a kaihruai.

Mamit District Children's Science Congress-ah hian District chhunga School sawm pakhat (11) atangin Project sawm pathum (13) - Junior Category ah Project 6 leh Senior Category ah Project 7 neih a ni.

He Science Congress-a Evaluators te chu-

1. Pu PC Lalngilneia, Senior Scientific Officer, MISTIC, Aizawl,

2. Pi Ramthanpari, Lecturer, DIET, Mamit

3. Pi Thanghmingliani, Lecturer, Govt. Mamit Higher Secondary School, te an ni.

Mamit District Level Children's Science Congress lawmman dawngtute chu heng school te hi an ni:

Junior Category
1. Presbyterian English School, Mamit
2. Govt. Agape M/S, Mamit
3. Govt. Kawrtethawveng M/S - II

Senior Category
1. Mamit High School - II
2. Govt. Mamit High School
3. Govt. Phuldungsei H/S

State Level CSC ni 27- 28 November 2025 , Aizawl-a neih turah Senior Category-a 1st leh 2nd position leh Junior Category-a 1st position ten Mamit District ai an awh dawn a ni.

Result puan leh lawmman semna hun hman zawh hian Pu Lalrinawma Colney, APO ,Samagra Shiksha, Mamit District chuan lawmthu sawiin hun a khar.