2289/2022-2023
Mamit 12th October, 2022 : Vawiin khan DC Conference Hall, Mamit-ah District Level Co-ordination Committee on African Swine Fever (ASF) chu an Chairman Pu Lalnunhlua, Mamit District Bawrhsap hovin thutkhawm a ni.

Meeting-ah hian Dr. F Vanlalruata, DVO, Mamit chuan ASF chungchanga Mamit District dinhmun tlangpui a tarlang a. Kum 2021 chhunga ASF avanga vawk suatte'n zangnadawmna an dawn tawh thu leh Kum 2022 chhungin Mamit District chhunga khaw paruk (6) te Infected Area a puan anih thu a sawi a. Tun dinhmunah Mamit District chhungah Vawk 6191 awm mekin ASF avanga Vawk thi report a awm tawh loh thu a tarlang bawk.

Vawiin Meeting hian ASF avanga dan hman lai, Vawk talh khap leh phurh/lak kual khap mek chu thla 2 chhung Mamit District chhungah ASF avanga Vawk thi leh hri kai hriat belh a awm loh avangin thlahdul nise a ti a. Vawk hrisel tha te chu talh phal tawh niin khua leh khua, District leh District inkarah Vawk lak phal a ni leh tawh a. State dang/ram dang atanga Vawk lak luh erawh phal a la ni lo a ni.

Vawiin thutkhawmah hian Dr. Malsawmkima Pachuau, AHM hnen atangin Bawng natna chi khat Lumpsy Skin Disease (LSD) chungchang ngaihthlak a ni a. LSD hi India ram hmun thenkhatah a leng mek a. Mamit District-ah erawh hriat la ni lovin hri a lo len palh thulha lo inhmakhua-na turin District Level Co-ordination Committee on Lumpsy Skin Disease chu Meeting-ah hian indin nghal a ni bawk.

Vawiin thutkhawmah hian District Level Co-ordination Committee on ASF Members te an tel tha hle a ni.