No.3897/2020-2021

Mamit 7th August, 2020 : Vawiin khan DC Conference Hall, Mamit-ah Dr. Lalrozama, IAS, District Bawrhsap, District Election Officer ni bawk hovin District Level Standing Committee on Election to Village Council, 2020 chu thutkhawm a ni.

Meeting kaihruaitu Dr. Lalrozama chuan kan hmalawka Village Council inthlanna lo awm turah hlawhtling taka Election neih anih theih nana inpuahchah dan tur sawiho tura inkokhawm an nih thu sawiin Election kaihhnawiha Department tinte leh Political Party-te mawhphurhna inhriattir nghal a ni bawk.

Meeting-ah hian Tripura Transit Camp-a Bru Voters-te'n anmahni sum hmangin an Vote neihna khuaah Vote an thlak theih dawn thu tarlan a ni a. Mamit District chhunga Sub Village 11-te chu anmahni khua-ah Polling Booth siam anih dawn loh avangin an Parent VC-ah Vote thlak a tul dawn thu tarlan a ni bawk.

Meeting-ah hian tluang taka VC inthlanna kalpui anih theih nan venhimna chungchang sawiho a ni a. Sector Officer 20 ruat an nih bakah SP Mamit Supervision-na hnuaiah Flying Squad 6 siam a ni bawk.

Inthlan vuakvet laia inkalpawhna kawng lamah harsatna a awm loh nan PWD hotute chu Standby-a awm tura ngen niin, road block awm theihna hmun hrang hrangah a tul anga inchhawp lawk tura tih an ni a. Polling Station tinte Electric eng a awm leh awm loh ngaihven a, eng tha tak nei reng thei tura hmala turin P&E Deptt hotute chu Meeting-ah hian mawhphurhna pek an ni bawk.

Meeting hian Mamit District chhungah inthlanna felfai leh thianghlim a awm theih nan leh tluang taka inthlanna neih anih theih nan MPF-te chu a tul anga hmalakpui tur leh thawhhopui atan a sawm bawk a ni.

Vawiin thutkhawmah hian District Level Standing Committee Members-te an tel tha hle a ni.