No.200/2021-2022

Mamit 20th April, 2021 : Vawiin khan DC Conference Hall, Mamit-ah Dr. Lalrozama, IAS, District Bawrhsap hovin District Level Task Force on Covid-19 thutkhawm a ni.

Meeting chuan Mizoram Sorkar-in Covid-19 laka mipuite himna tur inkaihhruaina thupek a chhuah lehkha No. B.13021/101/2020 -DMR/Vol-III Dt.19.04.2021 chu Mamit District-ah hman vek tur a tih a ni a. Mamit District-a inkaihhruaina kalpui dan tur sawiho nghal a ni.

State Sorkar thuchhuahin nitin mamawh, thlai, thei, sa leh adangte chu VLTF ruahmanna hnuaia mipuite lei theih tura kalpui nise tih a ni a. Chutihrualin, mipuite kan him tlan zawk theih nan heng Mamit khawpui chhung hmun lunlai, Mamit Bazar Veng, Field Veng Bazar, Charkawn Bazar Shed leh Dinthar Bazar hmunah te tun dinhmunah chuan engmah zawrh loh tura rel a ni a. Hei bakah hian Inrinni tuka Bazar Veng-a Bazar neih thin pawh khar tur a tih a ni bawk.

Covid-19 hrileng laka mipuite kan him tlan theih nan tul tawpah lo chuan mahni in leh compound chhuahsan lo tura tih kan nih angin Mamit District mipuite'n thupek hi zawm theuh turin Committee chuan a ngen a. He inkhuahkhirhna hian 26th April, 2021 zing dar 4 thleng a huam ang.

Meeting-ah hian CMO, Addl. SP, Chairman VLTF, President Sub. Hqrs. YMA, Jt. VC Chairman-te an tel a ni.