Vawiin khan Mamit District Secondary School Sports,2017 chu GSA Playground Mamit-ah tan a ni a. Pu H.Lianzela Addl.DC, Mamit District chuan khuallian niin Sports hi a hawng nghal bawk a ni.

Khuallian chuan Mamit District chhunga School 20 lai Sports-a an tel thei chu lawmawm a tih thu sawiin, Sports Spirit nei chunga inelna nei tur leh Sports chu inthianthat nana hmang a, thian tha siam ngei turin zirlai naupangte a chah a ni.

Mamit District Secondary School Sports-ah hian khawpui chhung leh pawna School 20 telin, heng Football, Volleyball, Badminton, Table Tennis leh Athletics te hmangin inelna neih a ni anga, 26th May, 2017-ah kharna hun hman leh a ni ang.