1852/2022-2023
Mamit 8th September, 2022 : Vawiin khan DC Conference Hall, Mamit-ah Pu Lalnunhlua, Mamit District Bawrhsap/Chairman, DTFI hovin District Task Force On Immunization thutkhawm a ni a. DTFI Meeting hnuhnung bera thurelte thlirletna neih anih bakah Mamit District chhunga hri danna hrang hrang pek chhuah dan, Covid-19 Vaccine pek chhuah dan thlirletna bakah hri danna pek chhuah leh dan tur hrang hrangte sawiho-a thutkhawm a ni.

Meeting-ah hian District chhung inkalpawhna kawngin duhthu ala sam loh avangin Quarterly Review meeting neih theih a nih loh thu ngaihthlak a ni a, Mamit District chhungah hnam hrang hrang chengte kan nih avangin hridanna inpek kawngah harsatna awm thinte ngaihthlak niin, Health Worker te leh Anganwadi Worker te thawhhona tur awmah te lungrual taka hmalak tlan a nih dawn thu ngaihthlak a ni a. September thla chhung hian Covid-19 Special Drive neih a ni dawn a, Medical Department lam atangin he mi atan hian plan felfai tak lo siam tura tih an ni bawk.

Meeting-ah hian Dr. Lalnuntluangi Khiangte, District Immunization Officer/Secretary, DTFI chuan Mamit District chhunga hri danna hrang hrang pek chhuah anih dan report pein Mamit District chhungah Covid- 19 Vaccination First dose mi 57060 la tawhin second dose hi 44211 in an la tawh a, Precaution dose hi 38534 in la tawh bawk a ni. District chhung khaw thenkhatah Vaccine la tawh enter luh theihloh awm chuan a percent a tih hniam thu ngaihthlak a ni bawk. Har Ghar Dastak Abhiyan 2.0 hnuaiah Vaccine la tura kalchhuak theilo an ina kalchilha Covid Vaccine pek hi kum 18 chunglamah mi 136 awmin kum 12-18 inkarah mi 166 te vaccine pek an ni. Kum 2022 chhungin Mamit District chhungah naupang kum 1 hnuailam vaccine target 511.5 ah 326 pek tawh an ni a. Kum 2 hnuailamah target 357 ah 166 pek tawh an ni bawk.

Meeting-ah hian Mamit District chhunga PHC, CHC, DVS leh Main Centre hrang hranga Covid-19 Vaccine Stock zat tarlan niin CorBevax 580, Covaxin 1340 leh Covishields 2950 kawl mek a ni.

Meeting-ah hian District Task Force on Immunization Members te an tel tha hle a ni.