1470/2026-2027

Dated: Mamit the 21st of July,2026: Vawiin khan DC Conference Hall, Mamit-ah Dr Lalrozama, IAS, Commissioner & Secretary, HA & TE leh Electoral Roll Observer ni bawk hovin Mamit district a SIR 2026 kalpui mek chu thlirhona neiin hmalak zel dan tur ngaihthlak a ni.

Dr Lalrozama chuan Mamit district a SIR 2026 kalpui mekah NGO, political party te leh Sawrkar officials te thawhhona tha an nei thei zel chu lawmawm a tih thu a sawi a. Special Intensive Revision 2026 kalpui mek hi India Constitution hmalakna pawimawh tak a ni a, India khua leh tui dik tak te electoral roll-a an hming a chuan hi kan mawhphurna a ni a, dikna nen thawka electoral roll thianghlim tak kalpui turin a sawm. Dr Lalrozama chuan draft electoral roll puanzar a ni tawh a, final electoral roll puanzar hma hmalak ngai ang ang te uluk takin kalpui mek a ni a,hetah hian hearing te neih tur niin mipuite hearing hun ngaipawimawha BLO, ERO, AERO te nen tha taka thawhhona nei turin a chah a, SIR 2026 kalpui meka officials te, NGO, poltical party te chu thahnem ngaitaka thawka sawisel tur awmlo electoral roll nei turin duhsakna a hlan a ni.

Vawiin hun hi Pu Suvigya S Chandra, District Bawrhsap leh District Election Officer ni bawk chuan a kaihruaia, naltuk ie 22nd July,2026 atangin Mamit district-ah hearing kalpui tan a ni dawna, NGO leh BLA political party aiawhte tawiawmna leh thawhpuina kan mamawh hle a,officials te nen thawhhona tha nei turin a sawm.

Pu Lalnunfela Chawngthu, Election Officer chuan Draft Electoral Roll ni 4th July,2026 a puanzar tak report tawi pein Mamit dinhmun sawizauna a nei a. Tarlan tawh angin Special Intensive Revision ( SIR) 2026 Draft Electoral Roll tlangzarh takah hian Mamiit District chhungah Polling Station 122 awmin, Constituency pathum 1-Hachhek (ST) AC - 20434, 2-Dampa (ST) AC - 20199 leh 3-Mamit (ST) AC- 23684 niin vote nei zawng zawng hi mipa 32310 leh Hmeichhia 32007 an vaiin 64317 an awm mek a,enumeration form lak theih loh mi 3296 awmin heng zingah hian Mithi 1582, pem tawh 1175, an chin hriat tawh loh 352, Roll a in ziak nawn 175 bakah inziak lut duhlo mi 12 an ni.

Vawiin thutkhawmnaah hian ERO, AERO, NGO hruaitute leh political party aiawhte an tel a ni.