Vawiin khan Chhimveng YMA Hall Mamit-ah Pu H.Lianzela, Addl.DC, tuna DC charge la mektu kaihhruainain faina hapta vawi 40-na kharna hun hman a ni.

Faina Hapta kharna Programme-ah hian tum danga an tih ngai loh danin khuallian atan Mamit khawpui chhunga vengfai ber thlanchhuaha Village Council President  Pu Lalrindika Sailo, Chhimveng VCP chu khuallian niin, khuallian chuan Chhimveng chu veng inlungrual tak an nih avanga vengfai ber ni thei an nih thu leh tun hi an bultanna chauh a nih thu sawiin, Sorkar Department hrang hrang te, NGO leh tlawmngai Pawl hrang hrangte nen thawhhona tha an neih vanga hetiang thleng thei an nih thu leh faina hapta-ah chauh ni lova englai pawha veng fai ni tura hma an lak reng dawn thu a sawi.

He hunah hian Pu PC Lalthlengliana, Chairman, Jt.V/C pawhin thu sawiin Mamit District-in District fai ber lawmman kan dawng chu lawmawm a tih thu leh District khawpui fai ber kan nihna hian chona lian tak min hmachhawntir a ni a ti. Pu Mickey C.Lalfakzuala, President, Mamit District Village Council Association pawhin faina chungchanga kan thawhrimnain rah duhawm tak a chhuah a, faina leh thianghlimna hi hriselna nena inzawm tlat a nih avangin faina ngaipawimawh zel turin kalkhawmte a chah. Pu PC Lalthanzuala, President, MJA pawhin thu sawiin tun hun hi Mamit khawpui leh Mamit District tan rahbi thar a nih thu leh Swachh Bharat Mission vanga India ram danglam tawhzia te, North East thleng pawha hmuh theiha a danglam tawh thu sawiin Mamit District atanga hmun danga kalchhuakte pawhin District fai ber kan nihna hi chhawmnung zel turin kalkhawmte a chah bawk.

Cleanliness Week kharna Programme-ah hian  Cleanliness Week puala inelna buatsaih Veng fai, school fai leh Hotel/Restaurant fai lawmman semna neih nghal niin hetiang hi an lawmman lak dan a ni.

Veng fai :-

1. Chhimveng VC

2. Bazarveng VC

3. Luangpawl VC

School fai :-

1. Govt Middle School I, Charkawn

2. Govt Primary School IV, Luangpawl

3. Govt Middle School III, Dinthar Veng

Hotel/Restaurant fai :-

1. RK Restaurant, Charkawn

2. BM Hotel, Field Veng

3. RVS Hotel, High School Veng

Hei bakah hian Swachh Vidyalaya Puraskar Award, Govt. Rawpuichhip High School leh Dapchhuah School te hnenah Pi Lalnunthari, DEO Mamit chuan a hlan bawk.

Cleanliness Week kharna Programme-ah hian Pu HD Lalpekmawia, DUDO & SDO (S) chuan Cleanliness Week hman chhoh anih dan leh hnatlang neih zat te, vengtina hnatlang thawkchhuak tlangpui Report pein Pu K. Lalmakthanga, Lecturer, GHSS chuan faina chungchang Extempore Speech a buatsaih bakah Pu Paul Rokima, DIPRO chuan Mamit khawpui chhunga faina beihpuithlak anih dan chungchang a lem nen kalkhawmte a entir bawk a ni.

Attachment

• Loading attachment...