101/2026-2027

Dated : Mamit the 9th of April, 2026 : Vawiin khan DC Conference Hall, Mamit-ah Green-Ag project 9th Technical Support Group (TSG) meeting chu Pu Suvigya S Chandra, District Bawrhsap hovin hman a ni a, he meeting-ah hian Mamit District-a Agriculture leh a kaihhnawih Department hrang hrang te an tel a ni.

Bawrhsap chuan Sawrkar Department hrang hrangte inlungrual taka thawhhona a pawimawhzia sawiin, Green-Ag project huam chhung khuaah te chuan thawhhona awmze nei taka awm ngei a beisei tih a sawi a.

Kum 2026-27 chhunga Mamit District a Green-Ag hmalakna tur hrang hrang te sawi ho a ni a. He project a hmalakna hrang hrang ; Green Landscape Management Plan (GLMP) kalpui dan tur te, department hrang hrang te nena thawh ho dan tur (convergence) te leh Annual Work plan leh budget te sawi ho a ni bawk.

Dr Keny Vanlalhriatpuia, State Technical Co-ordinator chuan he project hnuaia hmalak dan hrang hrang report tawi a pe a. Dr. Vanlalchhandama, Team Leader in-charge chuan kum hmasa lama hmalakna hrang hrang te sawiin, kum 2026-27 a hmachhawp te a tlangzarh bawk. Budget sawihona neih niin, Department aiawh kalkhawm te nen thawhho dan tur te sawi ho a ni.

Green-Ag project hi Food and Agriculture Organisation (FAO) Global Environment Facility (GEF) funding niin, kum 2019 khan Mizoram-ah bul tan a ni a, Mamit leh Lunglei district ah kalpui niin Dampa Tiger Reserve leh Thorangtlang wildlife sanctuary bul hnai a khaw 38 te a huam a ni.

Meeting-ah hian Line Department te an tel a ni.