3031/2022-2023
Mamit 13th December, 2022 : Vawiin khan DC Conference Hall, Mamit-ah Pu Lalfakzuala, Addl. DC Mamit hovin Green Agriculture Project hnuaia hmalak dan tur hrang hrang sawiho-a thutkhawm a ni.

Meeting kaihruaitu Pu Lalfakzuala chuan kan ramin ei leh bara hma kan sawn zelna atan bakah ramngaw leh nungcha humhalhna atan Green AG Project chu nasa taka kan tangkaipui tur anih thu sawiin meeting tura kalkhawmte chungah lawmthu a sawi nghal bawk.

Green AG Project hi Global Environment Facility (GEF) Funding niin United Nations hnuaia Food & Agriculture Organisation (FAO) leh Mizoram Sorkar tangkawpa hmalakna a ni a. Kan rama kuthnathawka eizawngtu, a bik takin lo nei leh ranvulhtute'n kan ram leilung chhe zel tur venghim chunga eizawnna ngialnghet zawk an neih theihna tura hmalakna a ni. Green AG Project hi Kum 2019 atanga 2026 thleng ruahman niin cluster parukah then a ni a. Khaw 36 thlan chhuah niin Mamit District-a Dampa Sanctuary chhehvela khaw awm te leh Lunglei District-a Thorang Tlang Wildlife Sanctuary chhehvela khaw awm te tana buatsaih a ni.

Kumin Rabi Season-ah hian a thawhkhatna atan khaw 17-ah hmalakna kalpui a ni anga, Solar Tunnel Dryer for Mizo Chilli, Capacity Building on Post Harvest Management of Mizo Chilli, Distribution of Vegetables seeds to SHGs, Capacity Building of Green House Cultivation, Mizoram Sloping Agriculture Land Technology (MiSALT) Demonstration, Capacity Building of Seed Treatment, Vermicomposting, Water Harvesting Facility, Forest Fire Management, Mobilize Eco Clubs to promote Green Landscape Conservation, Supply of Saplings, Capacity building on improved Scientific management of Piggery & Poultry, Community Moringa (thingbehlawi) Cultivation-ah te hmalakna kalpui a ni dawn a. Line Department leh Farmers Producer Organisation tangkawpin Convergence hmangin he hmalakna hi kalpui thin tur a ni.

Vawiin meeting zawh hian United Nations aiawha Green AG hotu lokalte hi Mamit MJA te inkawmna hun neiin Green AG Project chungchang zawhna leh chhanna hun hman nghal a ni bawk.

He hunah hian Mamit khawpui chhunga line department hrang hrang aiawhte bakah Green Landscape Implementation Unit (GLIU) Team, Lunglei te an tel a ni.