1287/2022-2023

Mamit 19th July, 2022 : Vawiin khan DC Conference Hall, Mamit-ah Pu Lalnunhlua, District Bawrhsap hovin Mamit-a Independence Day, 2022 hman dan tur relin thutkhawm a ni.

Meeting chuan kumin I-Day chu GSA Playground-ah Sorkar ruat khuallian hova hman nise tih a ni a. Mamit khawpui chhunga School hrang hrang atangin Parade Contingent 16 bakah 4th IR Battalion awm tura beisei a ni. Programme hi zing dar 9:00 -a tan tura ruahman niin Ceremonial Function hman zawhah kalkhawmte tan At Home buatsaih tura rel a ni. Hemi ni hian Sorkar Office hrang hrangah Zing dar 5:00 atangin hnam puanzar zah taka zar nise tih a ni bawk

Meeting-ah hian I-Day hmanna tura mawhphurhna chanvo hrang hrangte inpek nghal a ni bawk.

Vawiin thutkhawmah hian Mamit-a Sorkar Department hrang hrang Heads of Offices te, Khawtlang hruaitute leh tlawmngai pawl hrang hrang aiawh, MZP aiawh bakah Thutharthehdarhtute an tel a ni.