1264/2023-2024

Mamit 25th July, 2023 : Vawiin khan DC Conference Hall, Mamit-ah Pu V.L.Remliana, Mamit District Bawrhsap hovin Mamit-a Independence Day, 2023 hman dan tur relin thutkhawm a ni.

Meeting chuan kumin I-Day chu GSA Playground-ah Zing dar 10 -ah hman nise tiin khuallian atan hian Pu Robert Romawia Royte, Hon'ble Minister, Sports & Youth Services etc. a ni dawn a. Mamit khawpui chhunga School hrang hrang atangin Parade Contingent 15 bakah 4th IR Battalion awm tura beisei a ni. Ceremonial Function hman zawhah kalkhawmte tan At Home buatsaih tura rel niin hemi ni hian Sorkar Office hrang hrangah zing ni chhuah rualin hnam puanzar zah taka zar theuh nise tih a ni bawk.

Meeting-ah hian I-Day hmanna tura mawhphurhna chanvo hrang hrangte inpek nghal a ni bawk.

Independence Day, 2023 pual hian khuallian hian Mamit khawpui chhunga Home hrang hrang, District Hospital leh Mamit District Jail-te tlawhin thilpek a hlan ang.

Vawiin thutkhawmah hian Mamit-a Sorkar Department hrang hrang hotute, Zirlai pawl aiawh bakah Thutharthehdarhtute an tel a ni.